നസ്‌റുദ്ദീനിന്റെ നിര്യാണത്തില്‍ അനുശോചനം അറിയിച്ച് കെട്ടിട ഉടമകള്‍
മലപ്പുറം: വ്യാപാരി വ്യവസായി ഏകോപന സമിതി സംസ്ഥാന പ്രസിഡന്റ് ടി.നസ്‌റുദ്ദീന്‍ ബില്‍ഡിംഗ് ഓണേഴ്‌സ് അസോസിയേഷനുമായി നല്ല സൗഹൃദം കാത്തു സൂക്ഷിച്ചിരുന്ന ഉത്തമ സുഹൃത്തായിരുന്നുവെന്ന് കേരള ബില്‍ഡിംഗ് ഓണേഴ്‌സ് വെല്‍ഫെയര്‍ അസോസിയേഷന്‍ സംസ്ഥാന കമ്മിറ്റി യോഗം അഭിപ്രായപ്പെട്ടു.
സംസ്ഥാന പ്രസിഡന്റ് പഴേരി ഷരീഫ് ഹാജി അദ്ധ്യക്ഷത വഹിച്ചു. ഒര്‍ഗനൈസിംഗ് സെക്രട്ടറി പി പി.അലവിക്കുട്ടി, കെ.എസ് മംഗലം, ചങ്ങരംകുളം മൊയ്തുണ്ണി, അലിക്കുഞ്ഞ് കൊപ്പന്‍, ജി.നടരാജന്‍, റീഗര്‍ മുസ്തഫ, ചന്ദ്രന്‍ മണാശ്ശേരി, ഫൈസല്‍, പി.എം ഫാറൂഖ്, എം.എസ്.പ്രേംകുമാര്‍, എന്‍.അബ്ബാസ് ഹാജി, കെ. നാസര്‍, അബ്ദുല്‍ ഖാദിര്‍.ടി, എം.ഹമീദ് ഹാജി എന്നിവര്‍ പ്രസംഗിച്ചു.
സംസ്ഥാന കമ്മിറ്റിക്കു വേണ്ടി കോഴിക്കോട് ജില്ല പ്രതിനിധികളായ ജഗതീശ് ,ഫഹ്‌റുദ്ദീന്‍ ശൈഖ് എന്നിവര്‍ നസ്‌റുദ്ദീന്റെ ഭൗതിക ശരീരത്തില്‍ റീത്ത് സമര്‍പ്പിച്ചു.