ഇന്ന് പവന് കൂടിയത് 400 രൂപ; കുത്തനെ ഉയർന്ന് സ്വർണവില

തിരുവനന്തപുരം: കുതിപ്പ് തുടർന്ന് സംസ്ഥാനത്ത് സ്വർണവില. ഇന്നലെ നേരിയ കുറവ് രേഖപ്പെടുത്തിയ സ്വർണവില ഇന്ന് വീണ്ടും വർധിച്ച് ഈ മാസത്തെ ഏറ്റവും ഉയർന്ന നിലയിൽ എത്തി. 37040 രൂപയായിരുന്നു ഇന്നലെ ഒരു പവന് വില. 400 രൂപ കുറഞ്ഞായിരുന്നു ഇന്നലെ ഈ വിലയിൽ എത്തിയത്. എന്നാൽ ഇന്ന് വീണ്ടും 400 രൂപ കൂടി പവന് 37,440 രൂപയായി. ഗ്രാമിന് 4680 രൂപയാണ് ഇന്നത്തെ വില. ഇന്നലെ 4630 രൂപയായിരുന്നു ഗ്രാമിന് വില.

ഫെബ്രുവരി 12, 13 തീയ്യതികളിലായിരുന്നു ഇതിന് മുമ്പ് ഈ മാസത്തെ ഏറ്റവും ഉയർന്ന നിരക്കിൽ സ്വർണവില എത്തിയത്.