സൂപ്പര്‍ലീഗ് -സീസണ്‍ 3 മല്‍സരങ്ങള്‍ സമാപിച്ചു
മലപ്പുറം; അസോസിയേഷന്‍ ഫോര്‍ ഫുട്‌ബോള്‍ ഡവലപ്പ്‌മെന്റ് മലപ്പുറം സംഘടിപ്പിച്ച സൂപ്പര്‍ലീഗ് -സീസണ്‍ 3 മല്‍സരങ്ങള്‍ എടവണ്ണ സീതിഹാജി സ്‌റ്റേഡിയത്തില്‍ സമാപിച്ചു.
ജില്ലയിയെ നാല് സോണുകളില്‍ നിന്നായി 1500ഓളം കുട്ടികള്‍ പങ്കെടുത്തു.
ബേബി ലീഗില്‍ ലൈഫ്‌കോ തിരൂര്‍ക്കാട്,അണ്ടര്‍ 14 വിഭാഗത്തില്‍ വി എഫ് എ വാണിയമ്പലം,അണ്ടര്‍ 17,21 വിഭാഗങ്ങളില്‍ വൈ എഫ് എ വണ്ടൂര്‍ എന്നിവര്‍ ചാമ്പ്യന്‍മാരായി. വിജയികള്‍ അസോസിയേഷന്‍ പ്രസിഡന്റ് റഷീദ് എടരിക്കോട്, സെക്രട്ടറി റഷീദ് കൊണ്ടോട്ടി എന്നിവര്‍ സമ്മാനങ്ങള്‍ വിതരണം ചെയ്തു.
ടൂര്‍ണമെന്റ് കമ്മറ്റി ചെയര്‍മാന്‍ മുഹമ്മദ് മുക്താര്‍,മുന്‍ സന്തോഷ് ട്രോഫി താരം നാസര്‍ അരീക്കോട്,അഹ്‌സന്‍ ജവാദ് തുടങ്ങിയവര്‍ സംസാരിച്ചു.
ഫോട്ടോ;അണ്ടര്‍ 21 വിഭാഗത്തില്‍ ജേതാക്കളായ വൈ എഫ് എ വണ്ടൂരിന് അസോസിയേഷന്‍ ഫോര്‍ ഫുട്‌ബോള്‍ ഡവലപ്പ്‌മെന്റ് മലപ്പുറം പ്രസിഡന്റ് റഷീദ് എടരിക്കോട് ട്രോഫി സമ്മാനിക്കുന്നു