അയ്യങ്കാളി ദിനത്തില്‍ വില്ലുവണ്ടിയാത്ര
മലപ്പുറം; മഹാത്മാ അയ്യങ്കാളിയുടെ 81-ാമത് സ്മൃതി ദിനമായ നാളെ (ജൂണ്‍18ന്) മലപ്പുറത്ത് പുഷ്പാര്‍ച്ചനയും അനുസ്മരണവും പ്രകടനവും നടത്തുമെന്ന് ദളിത് സമുദായ മുന്നണി ജില്ലാ പ്രസിഡന്റ് ടി പി അയ്യപ്പന്‍,സെക്രട്ടറി ചന്ദ്രന്‍ പരിയാപുരം ജില്ലാ സെക്രട്ടറിയേറ്റ് അംഗം ബാബുരാജ് കോട്ടക്കുന്ന് എന്നിവര്‍ വാര്‍ത്താ കുറിപ്പില്‍ അറിയിച്ചു.
പിന്നോക്കക്കാരുടെ സഞ്ചാര സ്വാതന്ത്ര്യത്തിനായി അയ്യങ്കാളി തിരുവനവന്തപുരം രാജവീഥിയിലൂടെ നയിച്ച വില്ലുവണ്ടി യാത്രയെ അനുസ്മരിച്ച് നടത്തുന്ന വില്ലുവണ്ടി യാത്ര രാവിലെ 10 മണിക്ക് മഞ്ചേരി റോഡിലുള്ള മാളിയേക്കല്‍ ബില്‍ഡിംഗ് പരിസരത്ത് നിന്നാരംഭിക്കും.തുടര്‍ന്ന് കെ എസ് ആര്‍ ടി സി പരിസരത്ത് പുഷ്പാര്‍ച്ചനയും അനുസ്മരണ സമ്മേളനവും ചേരും.സംസ്ഥാന ഓര്‍ഗൈസിംഗ് സെക്രട്ടറി വി കെ സുകു, ജില്ലാ സെക്രട്ടറിയേറ്റ് അംഗം പി കെ കുഞ്ഞച്ചന്‍ മാസ്റ്റര്‍, ജില്ലാ കമ്മറ്റി അംഗം മോഹനന്‍ നിലമ്പൂര്‍ ,രാമചന്ദ്രന്‍ പനങ്ങാങ്ങര, വേലായുധന്‍, പുളിക്കല്‍ സരസ്വതി പരിയാപുരം, ശാന്തകുമാരി നിലമ്പൂര്‍ എന്നിവര്‍ സംസാരിക്കും.