വായന ഉത്സവമാക്കി മലപ്പുറം നഗരസഭ ബാലസഭ അംഗങ്ങള്‍
മലപ്പുറം : മലപ്പുറം നഗരസഭ കുടുംബശ്രീ സി ഡി എസിന്റെ ആഭിമുഖ്യത്തില്‍ ബാലസഭ അംഗങ്ങള്‍ക്കായി ദേശീയ വായനാദിനത്തില്‍ വായനോത്സവം പരിപാടി സംഘടിപ്പിച്ചു. കുട്ടികള്‍ക്കായി ക്വിസ് മത്സരം, പ്രസംഗ മത്സരം, ആസ്വാദന കുറിപ്പ് മത്സരം തുടങ്ങിയ വിവിധ പരിപാടികള്‍ സംഘടിപ്പിച്ചു.
കുട്ടികള്‍ വായനാദിന പ്രതിജ്ഞയുമെടുത്തു. തുടര്‍ന്ന് മജീഷന്‍ നവാസ് തറയില്‍ അവതരിപ്പിച്ച മെന്റലിസം മാജിക്ക് ഷോയും നടന്നു. നഗരസഭ ചെയര്‍മാന്‍ മുജീബ് കാടേരി ഉദ്ഘാടനം ചെയ്തു. വിദ്യാഭ്യാസ സ്ഥിരം സമിതി ചെയര്‍മാന്‍ അബ്ദുല്‍ ഹക്കീം പി കെ അധ്യക്ഷത വഹിച്ചു. വികസനകാര്യ സ്ഥിരം സമിതി ചെയര്‍മാന്‍ പി. കെ സക്കീര്‍ ഹുസൈന്‍, കൗണ്‍സിലര്‍ സുരേഷ് മാസ്റ്റര്‍, സി ഡി എസ് ചെയര്‍പേഴ്‌സണ്‍മാരായ അനൂജ ദേവി വി എ, ജുമൈല തണ്ടുതുലാന്‍, ആര്‍ പി മാരായ സുജാത സി, സീന പി, മായ കെ പി, സിഡിഎസ് അക്കൗണ്ടന്റ് മുഹമ്മദ്ഷാഫി പി എന്നിവര്‍ പ്രസംഗിച്ചു. കുട്ടികളുടെ വിവിധ കലാപരിപാടികളും അരങ്ങേറി.
