ലഹരിക്കെതിരെ ആശ്രയ പ്രചരണ പരിപാടികള്‍ സംഘടിപ്പിക്കും
മലപ്പുറം; വര്‍ദ്ധിച്ചുവരുന്ന ലഹരി ഉപയോഗത്തിനെതിരെ സംസ്ഥാനത്തുടനീളം പ്രചരണ പരപാടികള്‍ സംഘടിപ്പിക്കുമെന്ന് ആശ്രയ സംസ്ഥാന ജനറല്‍ സെക്രട്ടറി കലയപുരം ജോസ് പ്രസ്താവിച്ചു. ആശ്രയ പ്രവര്‍ത്തകരുടെ ജില്ലാ കണ്‍വെന്‍ഷന്‍ മലപ്പുറം ഗാന്ധി ലൈബ്രറിയില്‍ ഉദ്ഘടനം ചെയ്ത് സംസാരിക്കുകയായിരുന്നു അദ്ദേഹം. ജില്ലാ പ്രസിഡന്റ് പികെ നാരായണന്‍ അധ്യക്ഷത വഹിച്ചു.
കെ പി മണി കണ്ഠന്‍,ഫാദര്‍ വിക്ടര്‍,കെ ശാന്തശിവന്‍,എം എം അലവി ഹാജി,കെ ടി അഹമ്മദ് കുട്ടി, ഗോപീകൃഷ്ണന്‍ കോട്ടക്കല്‍, പി പി മുജീബ് റഹ്മാന്‍ എന്നിവര്‍ സംസാരിച്ചു. പി വി ഉദയകുമാര്‍ സ്വാഗതവും സി എ റസാഖ് നന്ദിയും പറഞ്ഞു. 16 നിയോജക മണ്ഡലങ്ങളിലും കമ്മറ്റികള്‍ രൂപീകരിക്കാന്‍ കണ്‍വെന്‍ഷന്‍ തീരുമാനിച്ചു.