കോട്ടക്കലിൽ പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ മൂന്ന് പേർ അറസ്റ്റിൽ.
മലപ്പുറം: കോട്ടക്കലിൽ പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ മൂന്ന് പേർ അറസ്റ്റിൽ. മലപ്പുറം കോട്ടയ്ക്കൽ കുറ്റിപ്പുറം സ്വദേശികളായ കരിമ്പനക്കൽ മമ്മിക്കുട്ടി (75), പൂളക്കൽ സൈതലവി (60), പുതുക്കുടി മുഹമ്മദ് സക്കീർ (32) എന്നിവരാണ് പിടിയിലായത്. പ്രതികളെ കോടതിയിൽ ഹാജരാക്കി റിമാൻഡ് ചെയ്തു.
2020 മുതലാണ് പ്രതികൾ പെൺകുട്ടിയെ വിവിധ ഇടങ്ങളിൽ എത്തിച്ച് പീഡിപ്പിച്ചതെന്ന് അന്വേഷണത്തിൽ വ്യക്തമായി. വിവിധയിടങ്ങളിലെത്തിച്ച് നിരവധി പ്രാവശ്യം പ്രതികൾ പെൺകുട്ടിയെ പീഡിപ്പിച്ചു. പ്രതികൾ ഓരോരുത്തരും പെൺകുട്ടിയെ വിവിധ സ്ഥലങ്ങളിൽ എത്തിച്ചിരുന്നു.
കൊവിഡ് കേസുകള് കൂടുന്നു, മാസ്ക്, സാനിറ്റൈസര് നിര്ബന്ധമാക്കി സര്ക്കാര്
സ്കൂളിൽ വെച്ച് പെൺകുട്ടിയുടെ പെരുമാറ്റത്തിൽ അസ്വാഭാവികത തോന്നിയതിനെ തുടർന്ന് ചൈൽഡ് ലൈൻ നടത്തിയ അന്വേഷണത്തിലാണ് പീഡന വിവരം പുറത്ത് വന്നത്.
പോലീസ് നടത്തിയ അന്വേഷണത്തിൽ മൂന്ന് പ്രതികളും പിടിയിലായി. പ്രതികൾക്കെതിരെ പോലീസ് പോക്സോ ഉൾപ്പെടെയുള്ള കേസുകൾ രജിസ്റ്റർ ചെയ്തു. മൂന്ന് പേർക്കെതിരെയും വ്യത്യസ്ത കേസുകളാണ് രജിസ്റ്റർ ചെയ്തത്.