തലക്കടത്തൂർ അരീക്കാട് എ.എം.യു.പി സ്കൂളിലും ശിശു ദിനാഘോഷം സംഘടിപ്പിച്ചു

ആധുനിക ഇന്ത്യയുടെ ശില്പി പണ്ഡിറ്റ് ജവഹർലാൽ നെഹ്റുവിന്റെ ജന്മദിനമായ നവംബർ 14ന് അരീക്കാട് എ എം യു പി സ്കൂളിന്റെ ആഭിമുഖ്യത്തിൽ ശിശുദിനാഘോഷം സംഘടിപ്പിച്ചു. ശിശുദിന റാലിയുടെ പരിപാടികൾക്ക് തുടക്കം കുറിച്ചുക്കൊണ്ട് പ്രധാനാധ്യാപിക പി.എസ്. സുധാകുമാരി ടീച്ചർ കുട്ടികൾക്ക് ശിശു ദിനാശംസകൾ നേർന്നു. കുട്ടികളുടെ വിവിധ കലാപരിപാടികളോടപ്പം പായസ വിതരണവും നടന്നു. പരിപാടികൾക്ക് പിടിഎ പ്രസിഡന്റ് പിടി ഷാജി, അധ്യാപകരായ നൂർജഹാൻ, ഷബീബ, കവിത, ഹർഷ, സരിത മൊയ്തീൻകുട്ടി, ഷാനി, നഹാസ്, ടി. റഹീം, ടി.പി. റഹീം, ഫസൽ തുടങ്ങിയർ നേതൃത്വം നൽകി. എല്ലാ കുട്ടികൾക്കും ട്രോഫിയും വിതരണം ചെയ്തു.