കാഴ്ച്ചകള്‍ ആസ്വദിക്കാൻ വലിയ ജനലുകള്‍, മനോഹരമായ പൂന്തോട്ടം;സൂര്യയുടേയും ജ്യോതികയുടേയും വീട്
കോളിവുഡിലെമിന്നുംതാരമാണ് സൂര്യ. ചെയ്യുന്ന കഥാപാത്രങ്ങളില്‍ എന്തെങ്കിലും പുതുമ കൊണ്ടുവരാൻ താരം ശ്രമിക്കാറുണ്ട്.
ജയ് ഭീം, സൂരറൈ പോട്ര് പോലുളള ചിത്രങ്ങള്‍ താരത്തിന് മറ്റൊരു നായക പരിവേഷം നല്‍കി. നടിയായ ജ്യോതികയാണ് സൂര്യയുടെ ഭാര്യ. സിനിമയിലെത്തിയ ശേഷമായിരുന്നു ഇരുവരും തമ്മിലുള്ള പ്രണയവിവാഹം.
മക്കളോടൊപ്പം ഇരുവരും ചെന്നൈയിലാണ് താമസിക്കുന്നത്. ചെന്നൈയിലെ ഈ വീട് കാഴ്ച്ചയില്‍ അതിമനോഹരമാണ്. മാര്‍ബിള്‍ വിരിച്ചിരിക്കുന്ന അകത്തളങ്ങളും പുറംകാഴ്ച്ചകള്‍ ആസ്വദിക്കാനായി വലിയ ജനലുകളും ഈ വീടിന് നല്‍കിയിരിക്കുന്നു.
ആഡംബരത്തിന്റെ പര്യായമാണ് ലിവിങ് റൂം. ആകര്‍ഷണീയമായ പുരാവസ്തുക്കള്‍ കൊണ്ടാണ് ലിവിങ് റൂം നിറച്ചിരിക്കുന്നത്. ദിവാൻ കോട്ട് പോലുള്ളവയും ഇവിടെ നല്‍കിയിരിക്കുന്നു. എട്ടു പേരെ ഉള്‍ക്കൊള്ളാവുന്നതാണ് ഡൈനിങ് ഏരിയ. ഒരു ഫൈവ് സ്റ്റാര്‍ ഹോട്ടലിലെ കിടപ്പുമുറികള്‍ക്ക് സമാനമായ സൗകര്യങ്ങളാണ് വീട്ടിലെ കിടപ്പുമുറിക്ക് നല്‍കിയിരിക്കുന്നത്.
വീട്ടിലെത്തുന്ന അതിഥികള്‍ക്കായി ഗസ്റ്റ് റൂം പോലുള്ള സൗകര്യങ്ങള്‍ വീട്ടില്‍ ഒരുക്കിയിട്ടുണ്ട്. സിനിമയെ ഏറെ ഇഷ്ടപ്പെടുന്ന താരം വീട്ടിലൊരു ഹോം തിയേറ്റര്‍ ഒരുക്കാനും മറന്നില്ല. വീട്ടില്‍ പൂജാ മുറിക്കായും ഒരിടം നല്‍കിയിട്ടുണ്ട്. വീട്ടിലെ മറ്റൊരു ആകര്‍ഷണം പലവിധ പൂക്കളാല്‍ സമ്ബന്നമായ പൂന്തോട്ടമാണ്. ഇതു പരിപാലിക്കാനായി താരദമ്ബന്തികള്‍ പ്രത്യേകം സമയം കണ്ടെത്താറുണ്ട്.
സിനിമാ പ്രവര്‍ത്തനങ്ങളില്‍ മാത്രമല്ല, ചാരിറ്റി പ്രവര്‍ത്തനങ്ങളിലും സജീവമാണ് സൂര്യ. പ്രൊഡക്ഷൻ ആന്റ് ഡിസ്ട്രിബ്യൂഷൻ കമ്ബനിയായ 2-ഡി എന്റര്‍ടെയ്മെന്റ് സൂര്യയുടെ ഉടമസ്ഥതയിലുള്ള കമ്ബനിയാണ്.