ഭാരം കുറയ്ക്കാൻ, ഫിറ്റ്നസ് നേടാൻ സാറ അലി ഖാൻ നൽകുന്ന ടിപ്സ്
ഒന്ന് വയര്‍ കുറയക്കാന്‍ അല്ലെങ്കില്‍ ശരീരഭാരം കുറയ്ക്കാന്‍ മെനക്കെടുക എന്നത് പലര്‍ക്കും ഒരു ബുദ്ധിമുട്ടാണ്. ചിലര്‍ പകുതിക്ക് വെച്ച് പ്രയത്‌നമെല്ലാം ഉപേക്ഷിക്കും. എന്നാല്‍, ചിലര്‍ തങ്ങളുടെ ലക്ഷ്യത്തിലേയ്ക്ക് തന്നെ മുന്നിട്ടിറങ്ങും ഒട്ടും വിട്ടുവീഴ്ച്ചകളില്ലാതെ. അത്തരത്തില്‍ ഫിറ്റ്‌നസ്സ് കാര്യത്തില്‍ എന്നും എല്ലാവര്‍ക്കും മാതൃകയാക്കാവുന്ന താരമാണ് സാറാ അലിഖാന്‍. അതിന് ഉത്തമ ഉദാഹരണമാണ് താരം
അമിതവണ്ണം കുറച്ചതും, അതുപോലെ, ഈ അടുത്ത് താന്‍ തടിവെച്ചതും പിന്നീട് വെറും രണ്ടാഴ്ച്ച കൊണ്ട് ശരീരഭാരം കുറച്ചതും.
ഫിറ്റ്നസ്
എന്നും നല്ല ഫിറ്റായി ഇരിക്കുക എന്നത് അത്ര എളുപ്പമല്ല. ചിലപ്പോള്‍ നമ്മള്‍ക്ക് ഇഷ്ടമുള്ള ആഹാരങ്ങള്‍ കൊതിയോടെ കഴിക്കാന്‍ നമ്മള്‍ക്ക് ആഗ്രഹം തോന്നാം. പ്രത്യേകിച്ച് വീട്ടില്‍ ഇരിക്കുമ്പോള്‍ നല്ലപോലെ ആഹാരം കഴിക്കുന്നവരാണ് നമ്മള്‍ ഓരോരുത്തരും. എന്നാല്‍, ഇത്തരത്തില്‍ വീട്ടില്‍ ഇരുന്ന് വണ്ണം വെച്ചാലും അത് കുറച്ചെടുക്കാന്‍ പലര്‍ക്കും
മടിയാണ്. എന്നാല്‍, വെറും രണ്ടാഴ്ച്ചകൊണ്ട് തന്റെ ചാടിയ വയറും അമിതമായിട്ടുള്ള കാലറിയും കുറച്ച് തന്റെ ശരീരം ഫിറ്റാക്കിയ ഫോട്ടോ പങ്കുവെച്ചിരിക്കുകയാണ് ബോളിവുഡ് താരം സാറ അലിഖാന്‍. നമ്മള്‍ ആത്മാര്‍ത്ഥതയോടെ പ്രയത്‌നിച്ചാല്‍ നമ്മളുടെ ലക്ഷ്യം നിറവേറ്റാം എന്ന് സാറ അലിഖാന്‍ ഇതിലൂടെ നമ്മള്‍ക്ക് മാതൃക കാണിക്കുകയാണ്.
താരത്തിന്റെ ഫിറ്റ്‌നസ്സ്
പിസിഎസ് മൂലം അമിതവണ്ണത്തിലേയ്ക്ക് എത്തിയ ഒരു നടിയാണ് സാറാ അലിഖാന്‍. തുടക്കത്തില്‍ 96 കിലോ ഉണ്ടായിരുന്ന തന്റെ ശരീരഭാരത്തെ താരം കൃത്യമായ ഡയറ്റും വ്യായാമവും മൂലം 46 കിലോ വരെ കുറച്ചെടുത്തിരുന്നു. നല്ലപോലെ ആഹാരം കഴിക്കാന്‍ പ്രിയമായിരുന്ന താരം, തന്റെ ശരീരഭാരം കുറയ്ക്കുക എന്ന ഒരൊറ്റ ലക്ഷ്യത്തിനായി കൃത്യമായ ഡയറ്റും അതിനൊപ്പം വ്യായാമവും ചെയ്് നല്ലപോലെ ശരീരഭാരം കുറച്ചെടുത്തു. ഇന്ന് നല്ല ബോഡി ഫിറ്റ്‌നസ്സ് നിലനിര്‍ത്തുന്ന നായികമാരില്‍ ഒരാള്‍കൂടിയാണ് സാറ അലിഖാന്‍. കാര്‍ബ്‌സ് കുറവും അതിന് പകരം നല്ലപോലെ പ്രോട്ടീന്‍ അടങ്ങിയ ആഹാരങ്ങള്‍ കഴിച്ചും നല്ലരീതിയില്‍ വിയര്‍ക്കും വിധത്തില്‍ വ്യായാമവും ഡാന്‍സും എല്ലാം താരത്തിന്റെ ശരീരഭാരം കുറയ്ക്കാന്‍ വളരെയധികം സഹായിച്ചിട്ടുണ്ട്. ഒരിക്കല്‍ ശരീരഭാരം കുറയ്ക്കാന്‍ തുനിഞ്ഞിറങ്ങിയതിനാല്‍ തന്നെ ഇന്നും അതേ ലക്ഷ്യത്തിനായി പ്രയത്‌നിക്കാന്‍ എത്രത്തോളം തയ്യാറാണെന്ന് കാണിക്കുകയാണ് ഈ താരം.
നമ്മള്‍ പഠിക്കേണ്ടത്
നല്ലൊരു ഫിറ്റ്‌നസ്സ് ട്രെയ്‌നറും അതുപോലെ, നമ്മളുടെ ശരീരത്തിന് ചേരുന്ന വിധത്തിലുള്ള ഡയറ്റ് ഒരു ഡയറ്റീഷ്യനെ കണ്ട് കണ്ടെത്തുകയും ഒപ്പം തുടര്‍ച്ചയായി ഇതിനായി പ്രയത്‌നിക്കാനുള്ള മനസ്സും നമ്മള്‍ക്കുണ്ടെങ്കില്‍ തീര്‍ച്ചയായും നമ്മള്‍ക്ക് നല്ലൊരു ഫിറ്റ്‌നസ്സ് നേടിയെടുക്കാന്‍ സാധിക്കുന്നതാണ്. ഇതിലൂടെ ശരീരത്തിലെ അമിതമായിട്ടുള്ള കാലറി കുറയ്ക്കാനും ചാടിയ വയറെല്ലാം ഇല്ലാതാക്കാനും ഇത് സഹായിക്കുന്നു. ചിലര്‍ വ്യായാമം ചെയ്യാതെ ഡയറ്റ് മാത്രം എടുത്ത് ശരീരഭാരം നിയന്ത്രിക്കാന്‍ ശ്രമിക്കുന്നത് കാണാം. എന്നാല്‍, ഇത് ശരീരത്തിലെ പേശികളെ ലൂസാക്കുന്നു. നമ്മള്‍ ആഗ്രഹിച്ച പോലെയുള്ള ഫിറ്റ് ബോഡി ലഭിക്കാന്‍ ഇതൊരു തടസ്സമാണ്‌.അതിനാല്‍, ഡയറ്റിന്റെ കൂടെ നല്ല വ്യായാമവും നമ്മള്‍ ശീലമാക്കണം. എന്നാല്‍ മാത്രമാണ് ആലില വയര്‍ സ്വന്തമാക്കാന്‍ സാധിക്കുക.
ലക്ഷ്യത്തിലെത്താന്‍
ആദ്യം തന്നെ നമ്മള്‍ക്ക് എന്തുകൊണ്ട് ശരീരഭാരം വര്‍ദ്ധിക്കുന്നു എന്ന് മനസ്സിലാക്കണം. അതിന് ശേഷം അതിനനുസരിച്ചുള്ള ഡയറ്റ് ക്രമീകരിക്കണം. നല്ല കാര്‍ഡിയോ വര്‍ക്കൗട്ട്, പേശികളെ ബലപ്പെടുത്തുന്ന വ്യായാമങ്ങള്‍, അതുപോലെ, കാര്‍ബ്‌സ് കുറച്ച് മറ്റ് പോഷകങ്ങള്‍ക്ക് കൂടുതല്‍ പ്രാധാന്യം നല്‍കുന്നത്, നല്ലപോലെ വെള്ളം കുടിക്കുന്നത്, സ്‌ട്രെസ്സ് കുറയ്ക്കുന്നത്, നല്ല ഉറക്കം എന്നിവയെല്ലാം നിങ്ങളെ ലക്ഷ്യത്തിലെത്താന്‍ സഹായിക്കും. ശരീരഭാരം കുറച്ചാല്‍, നിങ്ങള്‍ക്ക് നിങ്ങളുടെ മേലുള്ള ആത്മവിശ്വാസം വര്‍ദ്ധിപ്പിക്കാന്‍ സാധിക്കും. നിങ്ങള്‍ക്ക് അസുഖങ്ങള്‍ അകറ്റാന്‍ സാധിക്കും. യുവത്വം നിലനിര്‍ത്താനും അതുപോലെ ചര്‍മ്മത്തിന്റെ ആരോഗ്യം നിലനിര്‍ത്താനും ഇത് സഹായിക്കുന്നതാണ്.