അക്ബറലി മമ്പാടിനെ അനുസ്മരിച്ചു

തിരൂർ: തിരൂരിന്റെ സാമൂഹിക, സാംസ്കാരിക, സാഹിത്യ മേഖലകളിൽ മൂന്നര പതിറ്റാണ്ടുകാലം നിറസാന്നിധ്യമായിരുന്ന അക്ബറലി മമ്പാടിനെ മൂന്നാം ചരമവാർഷിക ദിനത്തിൽ സൗഹൃദവേദി തിരൂർ അനുസ്മരിച്ചു . മമ്പാടിൽനിന്നെത്തി തിരൂരിനെ എല്ലാ മേഖലകളിലും ഉയർത്തിക്കാട്ടിയ വലിയ വ്യക്തിത്വമായിരുന്നു അദ്ദേഹം എന്ന് സംസാരിച്ചവർ അനുസ്മരിച്ചു . അനുസ്മരണ സമ്മേളനം ഗായകൻ ഫിറോസ് ബാബു ഉദ്ഘാടനം ചെയ്തു. സൗഹൃദവേദി തിരൂർ പ്രസിഡണ്ട് കെപിഒ റഹ്മത്തുല്ല അധ്യക്ഷത വഹിച്ചു. മുൻ പബ്ലിക് റിലേഷൻ ജോയിൻ ഡയറക്ടർ പിഎ റഷീദ്, സെക്രട്ടറി കെകെ റസാക്ക് ഹാജി, വൈസ് പ്രസിഡന്റ് അബ്ദുൽ ഖാദർ കൈനിക്കര , എംഎസ്എസ് മലപ്പുറം ജില്ലാ പ്രസിഡണ്ട് ഡോക്ടർ ഹസ്സൻ ബാബു .സാഹിത്യകാരൻ എ മാധവൻ മാസ്റ്റർ, തിരൂർ ചേമ്പർ ഓഫ് കോമേഴ്സ് ജനറൽ സെക്രട്ടറി പിപി അബ്ദുറഹിമാൻ , എംഇഎസ് തിരൂർ താലൂക്ക് ട്രഷറർ പിഎ റഷീദ്, ചെറിയ മുണ്ടം മുൻ പഞ്ചായത്ത് പ്രസിഡണ്ട് എം എം റഫീഖ് , പാറയിൽ ഫസലു , സിദ്ദീഖ് ഹാജി തറമ്മൽ , വികെ റഷീദ് , റിഫ ഷെലീസ് എന്നിവർ സംസാരിച്ചു.