അകാലനര അലട്ടുന്നുണ്ടോ? എങ്കില്‍ നെല്ലിക്ക ഇങ്ങനെ ഉപയോഗിച്ച്‌ നോക്കൂ
പ്രായമാകുമ്ബോള്‍ മുടി നരയ്ക്കുന്നത് സ്വാഭാവിക പ്രക്രിയയാണ്. പക്ഷെ ചെറുപ്രായത്തില്‍ തന്നെ മുടി നരയ്ക്കുന്നത് പലരെയും വിഷമിപ്പിക്കാറുണ്ട്.അകാലനര ഉണ്ടാകുന്നതിന് പിന്നില്‍ പല കാരണങ്ങളുണ്ട്. പോഷകാഹാരക്കുറവ്, പാരമ്ബര്യം, ജീവിതശൈലിയിലെ മാറ്റങ്ങള്‍ എന്നിവയെല്ലാം മുടി നരയ്ക്കാനുള്ള പ്രധാന കാരണങ്ങളാണ്.
ശരിയായ മുടി സംരക്ഷണവും സമീകൃതാഹാരവും കൊണ്ട് സ്വാഭാവിക മുടിയുടെ നിറം തിരികെ കൊണ്ടുവരാൻ കഴിയും. അകാലനര അകറ്റുന്നതിന് ഫലപ്രദമാണ് നെല്ലിക്ക. വിറ്റാമിൻ സി, ടാന്നിൻസ്, ഫോസ്ഫറസ്, ഇരുമ്ബ്, കാല്‍സ്യം തുടങ്ങിയ അവശ്യ പോഷകങ്ങളാല്‍ സമ്ബന്നമായ മുടിയുടെ ആരോഗ്യം വർദ്ധിപ്പിക്കാനും സഹായിക്കും. അകാലനര അകറ്റുന്നതിന് നെല്ലിക്ക ഈ രീതിയില്‍ ഉപയോഗിക്കാം…
ഒന്ന്…
മുടിക്ക് ഇരുണ്ട നിറം നല്‍കുന്നതിന് സഹായിക്കുന്ന ഒന്നാണ് നെല്ലിക്ക. കാരണം അവയില്‍ പിഗ്മെൻ്റിൻ്റെ ഉത്പാദനം വർദ്ധിപ്പിക്കാനുള്ള കഴിവുണ്ട്. മുടിയുടെ അകാല നരയെ ചെറുക്കാൻ നെല്ലിക്ക ഫലപ്രദമാണെന്ന് ഫാർമകോഗ്നോസി റിസർച്ച്‌ ജേണലില്‍ പ്രസിദ്ധീകരിച്ച പഠനത്തില്‍ പറയുന്നു. ഉണക്ക നെല്ലിക്കയിട്ട് ചൂടാക്കിയ വെളിച്ചെണ്ണ തലയില്‍ തേച്ചു പിടിപ്പിച്ച്‌ ഒരു മണിക്കൂറിനു ശേഷം കഴുകി‌കളയുക. ഇത് അകാലനര അകറ്റുന്നതിന് സഹായിക്കുന്നു.
രണ്ട്…
10 നെല്ലിക്ക വെള്ളത്തില്‍ കുതിർക്കുക വയ്ക്കുക. കുതിർത്ത് ഉണക്കിയ ശേഷം നെല്ലിക്ക പൊടിക്കുക. നെല്ലിക്ക പൊടിയില്‍ 2 ടീസ്പൂണ്‍ കാപ്പിപ്പൊടിയും 3 ടീസ്പൂണ്‍ നാരങ്ങാനീരും യോജിപ്പിക്കുക. ശേഷം നന്നായി യോജിപ്പിച്ച്‌ ഈ പാക്ക് തലയില്‍ പുരട്ടുക. 15 മിനുട്ടിന് ശേഷം തല കഴുകി കളയുക. അകാലനര അകറ്റാൻ മാത്രമല്ല മുടികൊഴിച്ചില്‍ തടയുന്നതിനും ഈ പാക്ക് സഹായിക്കും.
മൂന്ന്…
രണ്ട് ടീസ്പൂണ്‍ നെല്ലിക്ക പേസ്റ്റും രണ്ട് ടീസ്പൂണ്‍ സവാള ജ്യൂസും യോജിപ്പിച്ച്‌ തലയില്‍ പുരട്ടുക. ഉണങ്ങി കഴിഞ്ഞാല്‍ ഷാംപൂ ഉപയോഗിച്ച്‌ കഴുകി കളയുക. അകാലനര തടയാൻ മികച്ചതാണ് ഈ പാക്ക്.