കോട്ടയം: രാത്രി ഒമ്ബത് മണിക്ക് ശേഷം മദ്യം നല്‍കിയില്ല എന്നതിന്‍റെ പേരില്‍ ബീവറേജസ് ജീവനക്കാരന്‍റെ കാര്‍ തല്ലിപ്പൊളിച്ചു.ഉഴവൂർ ബീവറേജസിലെ ഷോപ്പ്-ഇൻ ചാർജും തിരുവല്ല സ്വദേശിയുമായ കൃഷ്ണകുമാറിന്‍റെ കാറാണ് തല്ലി പൊളിച്ചത്.
ഇന്നലെ രാത്രിയാണ് സംഭവം. പ്രതികള്‍ക്കെതിരെ നടപടിയാവശ്യപ്പെട്ട് കൃഷ്ണകുമാര്‍ കുറവിലങ്ങാട് പൊലീസില്‍ പരാതി നല്‍കിയിട്ടുണ്ട്. ഹെല്‍മെറ്റ് ധരിച്ചാണ് ആക്രമണം നടത്തിയതെന്നാണ് പരാതി. രാത്രി 9 മണിക്ക് ശേഷം ബീവറേജെസില്‍ മദ്യം നല്‍കിക്കൂട എന്നതാണ് നിയമം. പലയിടങ്ങളിലും നിയമം ലംഘിച്ച്‌ മദ്യം നല്‍കുന്ന രീതികളുണ്ട്.