വിടുതലൈ 2 വുമായി മെറിലൻഡിന്റെ തിരിച്ചു വരവ്
വെട്രിമാരന്റെ സംവിധാനത്തില്‍ വിജയ് സേതുപതി, മഞ്ജു വാരിയർ, സൂരി എന്നിവർ കേന്ദ്ര കഥാപാത്രങ്ങളായി എത്തുന്ന വിടുതലൈ പാർട്ട്‌ 2 ഡിസംബർ 20ന് തിയേറ്ററുകളില്‍ എത്തും.മലയാള സിനിമയിലെ ആദ്യ നിർമാണ കമ്ബനിയായ മെറിലൻഡിന്റെ ഗംഭീര തിരിച്ചു വരവായിരിക്കും വിടുതലൈ 2 വിലൂടെ സിനിമലോകം സാക്ഷ്യം വഹിക്കാൻ പോകുന്നത്. സെന്തില്‍ സുബ്രഹ്മണ്യത്തിന്റെ നേതൃതത്തില്‍ വൈഗ മെറിലൻഡ് റിലീസ് ആയിരിക്കും കേരളത്തില്‍ വിടുതലൈ 2 പ്രേക്ഷകരിലേക്ക് എത്തിക്കുക.
ചിത്രത്തിന്റെ വിതരണവുമായി ബന്ധപ്പെട്ട് സെന്തില്‍ സുബ്രഹ്മണ്യതിന്റെ കീഴില്‍ നിർമാണ പ്രവർത്തകർ ഇസൈജ്ഞാനി ഇളയരാജയെ ചെന്നൈയില്‍ വെച്ച്‌ കണ്ട് കഴിഞ്ഞ ദിവസം അനുഗ്രഹവും വാങ്ങിയിരുന്നു.മലയാള സിനിമയിലെ ആദ്യകാല നിർമാണ കമ്ബനിയായ മെറിലൻഡ്, വിടുതലൈ 2 വിലൂടെ, വൈഗ മേറിലൻഡ് റിലീസുമായി പുതിയ കാലത്തിന്റെ മലയാള സിനിമയിലെ മുൻനിര നിർമാണ കമ്ബനികളുടെ കൂടെ നല്ല സിനിമകളുടെ ഭാഗമായുണ്ടാകും.സിനിമയിലെ മാറ്റങ്ങള്‍ക്കനുസരിച്ച്‌ പ്രേക്ഷകരെ തൃപ്തിപ്പെടുത്തുന്ന സിനിമകളുമായിട്ടായിരിക്കും വൈഗ മെറിലൻഡ് റിലീസ് നിർമാണ പ്രവർത്തനങ്ങള്‍ പ്രേക്ഷകരിലേക്ക് എത്തിക്കുക. നവംബർ 26 ന് വൈകീട്ട് ചെന്നൈയില്‍ വെച്ചായിരിക്കും വിടുതലൈ 2 വിന്റെ ഓഡിയോ ലോഞ്ച് നടക്കുക.
വെട്രിമാരൻ സംവിധാനം ചെയ്ത വിടുതലൈ പാർട്ട്‌ 1 വലിയ രീതിയില്‍ സിനിമ പ്രേക്ഷകർ സ്വീകരിച്ച സിനിമയായിരുന്നു. അത് കൊണ്ട് തന്നെ പ്രേക്ഷകർ ഏറെ കത്തിരിക്കുന്ന ചിത്രം കൂടിയാണ് വിജയ് സേതുപതി, സൂരി കൂട്ടുകെട്ടിലിറങ്ങാൻ പോകുന്ന വിടുതലൈ 2.കാത്തിരിപ്പുകള്‍ക്ക് വിരാമമിട്ട് ഡിസംബർ 20 ന് ചിത്രം തിയേറ്ററുകളില്‍ എത്തും. ചിത്രത്തിന്റെ പി.ആർ.ഓ അരുണ്‍ പൂക്കാടൻ.