ലോക നേതാക്കൾക്ക് കൂടിക്കാഴ്ച നടത്താനും ചർച്ച ചെയ്യാനുമുള്ള പ്ലാറ്റ്ഫോമായി ദോഹ ഫോറം ; റിപ്പോർട്ടിംങിനായി സിറ്റി സ്കാൻ ന്യൂസ് സ്റ്റാഫ് പ്രതിനിധിയും
ലോക നേതാക്കൾക്ക് കൂടിക്കാഴ്ച നടത്താനും ചർച്ച ചെയ്യാനുമുള്ള പ്ലാറ്റ്ഫോമായി ദോഹ ഫോറം ; റിപ്പോർട്ടിംങിനായി സിറ്റി സ്കാൻ ന്യൂസ് സ്റ്റാഫ് പ്രതിനിധിയും ദോഹ: ലോകമെമ്പാടുമുള്ള നേതാക്കന്മാർക്കും തീരുമാനമെടുക്കുന്നവർക്കുമുള്ള ഒരു പ്രധാന ആഗോള പ്ലാറ്റ്ഫോമായി ദോഹ ഫോറം മാറിയെന്ന് അമീർ ഷെയ്ഖ് തമീം ബിൻ ഹമദ് അൽതാനി പറഞ്ഞു.
ഫോറം പ്രാധാന്യത്തോടെ വളരുകയാണെന്നും ആഗോള പ്രശ്നങ്ങളും ലോകം ഇന്ന് അഭിമുഖീകരിക്കുന്ന വെല്ലുവിളികളും ചർച്ച ചെയ്യുന്നതിനുള്ള മികച്ച അവസരം നൽകുന്നുണ്ടെന്നും അദ്ദേഹം എടുത്തുപറഞ്ഞു.
2024-ൽ 22-ാമത് ദോഹ ഫോറം ആരംഭിക്കുന്നതിൽ ഹിസ് ഹൈനസ് സന്തോഷം പ്രകടിപ്പിച്ചു. ലോക നേതാക്കൾ കണ്ടുമുട്ടുകയും പ്രധാനപ്പെട്ട വിഷയങ്ങൾ ചർച്ച ചെയ്യുകയും ചെയ്യുന്ന ഒരു പ്രധാന സ്ഥലമാണ് ഫോറം എന്ന് തൻ്റെ എക്സ് അക്കൗണ്ടിൽ അദ്ദേഹം കുറിച്ചു.
കാലക്രമേണ, ലോകത്തിലെ പ്രശ്നങ്ങളെയും വെല്ലുവിളികളെയും കുറിച്ച് സംസാരിക്കാൻ ഇടം നൽകി ഫോറം കൂടുതൽ മൂല്യവത്തായി മാറി. ഈ ഫോറത്തിലൂടെയും സമാനമായ ശ്രമങ്ങളിലൂടെയും ഖത്തർ ആഗോള തലത്തിലുള്ള ചർച്ചകളെ പിന്തുണയ്ക്കുകയും പുതിയ ആശയങ്ങൾ പ്രോത്സാഹിപ്പിക്കുകയും യഥാർത്ഥ പരിഹാരങ്ങൾ കണ്ടെത്തുന്നതിന് സഹായിക്കുകയും ചെയ്യുമെന്നും ഹിസ് ഹൈനസ് കൂട്ടിച്ചേർത്തു. ഇതുവഴി, ലോകമെമ്പാടും സമാധാനം, സ്ഥിരത, സുസ്ഥിര വികസനം എന്നിവ പ്രോത്സാഹിപ്പിക്കാനാണ് ഖത്തർ ലക്ഷ്യമിടുന്നത്. ലോകമാധ്യമങ്ങൾക്കൊപ്പം സിറ്റിസ്കാൻ ന്യൂസ് സ്റ്റാഫ് പ്രതിനിധി സ്പെഷ്യൽ കറസ്പോണ്ടൻ്റ് ഇർഫാൻ ഖാലിദ് പകര പങ്കെടുക്കും.