മൊഞ്ചനായി പുതിയ കാവസാക്കി നിഞ്ച, വില കേട്ടാല്‍ പലരും ഞെട്ടും
പ്രമുഖ ജാപ്പനീസ് മോട്ടോർസൈക്കിള്‍ നിർമ്മാതാക്കളായ കാവസാക്കി ഇന്ത്യ തങ്ങളുടെ ജനപ്രിയ ബൈക്ക് നിഞ്ച 500 പുതിയ രൂപത്തില്‍ അവതരിപ്പിച്ചു.ഇപ്പോള്‍ ഉപഭോക്താക്കള്‍ക്ക് അപ്‌ഡേറ്റ് ചെയ്ത കവാസാക്കി നിഞ്ച 500ല്‍ ഒരു പുതിയ കളർ ഓപ്ഷൻ ലഭിക്കും. ഇത് കൂടാതെ, നിരവധി ഫീച്ചർ അപ്ഡേറ്റുകളും കാണാം. പുതിയ നിഞ്ച 500 ന് നിലവിലുള്ള മോഡലിനേക്കാള്‍ 5,000 രൂപ വില കൂടുതലാണ്. 5.29 ലക്ഷം രൂപ എക്‌സ്‌ഷോറൂം വിലയിലാണ് കമ്ബനി 2025 കാവസാക്കി നിഞ്ച 500 പുറത്തിറക്കിയത്.
ഡിസൈനിൻ്റെ കാര്യത്തില്‍, പുതിയ നിഞ്ച 500 ന് ഇരട്ട എല്‍ഇഡി ഹെഡ്‌ലൈറ്റുകള്‍ ഉണ്ട്. അതേസമയം, ഫീച്ചറുകളുടെ കാര്യത്തില്‍, ബ്ലൂടൂത്ത് കണക്റ്റിവിറ്റി സജ്ജീകരിച്ചിരിക്കുന്ന നെഗറ്റീവ് എല്‍സിഡി ക്ലസ്റ്ററാണ് പുതിയ നിഞ്ച 500 ന് ഉള്ളത്. കൂടാതെ, ബൈക്കില്‍ ഡ്യുവല്‍-ചാനല്‍ എബിഎസും ഒരു അസിസ്റ്റും സ്ലിപ്പർ ക്ലച്ചും ഉള്‍പ്പെടുന്നു. വിപണിയില്‍ അപ്രീലിയ RS 457, യമഹ YZF-R3 എന്നിവയുമായാണ് പുതിയ നിഞ്ച 500 മത്സരിക്കുക. പുതിയ കാവസാക്കി നിഞ്ച 500-ന് 451 സിസി, പാരലല്‍-ട്വിൻ, ലിക്വിഡ് കൂള്‍ഡ് എഞ്ചിൻ ഉണ്ട്, അത് 9,000 ആർപിഎമ്മില്‍ 44.7 ബിഎച്ച്‌പി പരമാവധി കരുത്തും 6,000 ആർപിഎമ്മില്‍ 42.6 എൻഎം പീക്ക് ടോർക്കും സൃഷ്ടിക്കാൻ പ്രാപ്തമാണ്. മോട്ടോർസൈക്കിളിൻ്റെ എഞ്ചിൻ 6-സ്പീഡ് ഗിയർബോക്സുമായി ജോടിയാക്കിയിരിക്കുന്നു.
അതേസമയം കാവസാക്കി അടുത്തിടെ തങ്ങളുടെ 2025 Z650RS മോട്ടോർസൈക്കിള്‍ ഇന്ത്യൻ വിപണിയില്‍ അവതരിപ്പിച്ചിരുന്നു. 7.20 ലക്ഷം രൂപ മുതലാണ് ഇതിന്‍റെ പ്രാരംഭ എക്സ്-ഷോറൂം വില. റെട്രോ മോഡേണ്‍ രൂപത്തിലുള്ള ഈ മിഡില്‍വെയ്റ്റ് മോട്ടോർസൈക്കിളില്‍ നിരവധി പുതിയ ഫീച്ചറുകള്‍ ചേർത്തിട്ടുണ്ട്. 2025 Z650RS-ല്‍ ഒരു പുതിയ എബോണി കളർ സ്കീം അവതരിപ്പിച്ചു. ഈ ഡിസൈൻ സ്വർണ്ണ ആക്സന്‍ററുകളെ ഗ്ലോസ് ബ്ലാക്ക് ബേസുമായി സംയോജിപ്പിക്കുന്നു. ഇന്ധന ടാങ്കിലെയും ടെയില്‍ സെക്ഷനിലെയും ഗോള്‍ഡൻ സ്ട്രൈപ്പുകള്‍ അതിന്‍റെ ഭംഗി കൂട്ടുന്നു, അതേസമയം ഗോള്‍ഡൻ ഫിനിഷ് ചെയ്ത അലോയ് വീലുകള്‍ ബൈക്കിന് ക്ലാസിക്, പ്രീമിയം ലുക്ക് നല്‍കുന്നു.