ദില്ലി: ദില്ലി തെരഞ്ഞെടുപ്പില്‍ കൂടുതല്‍ എക്സിറ്റ് പോള്‍ ഫലങ്ങള്‍ ഇന്ന് പുറത്തുവരും. ആക്സിസ് മൈ ഇന്ത്യയും ടുഡേയ്സ് ചാണക്യയുടെയും ഫലങ്ങള്‍ വൈകുന്നേരത്തോടുകൂടി പ്രസിദ്ധീകരിക്കും.സി – വോട്ടറും തിരഞ്ഞെടുപ്പുമായി ബന്ധപ്പെട്ട സർവ്വേ ഫലങ്ങള്‍ പുറത്തുവിടും. സീറ്റ് സംഖ്യകള്‍ക്ക് പകരം മണ്ഡലങ്ങള്‍ സംബന്ധിച്ചുള്ള ശതമാന കണക്കാകും സി വോട്ടർ പ്രസിദ്ധീകരിക്കുക. ഇന്നലെ പുറത്തുവന്ന എക്സിറ്റ് പോളുകളില്‍ ഭൂരിപക്ഷവും ബി ജെ പി അധികാരത്തില്‍ എത്തുമെന്നാണ് പ്രവചനം. എന്നാല്‍ ഈ പ്രവചനങ്ങള്‍ തള്ളുകയാണ് ആം ആദ്മി പാർട്ടി. എക്സിറ്റ്പോള്‍ ഫലങ്ങള്‍ അനുകൂലമായതോടെ വലിയ ആത്മവിശ്വാസത്തിലാണ് ബി ജെ പി ക്യാമ്ബ്.