ഗ്രാമ്ബു വിളവെടുപ്പിനിടെ ഏണിയില്‍ നിന്ന് വീണ് 55കാരന് ദാരുണാന്ത്യം
കട്ടപ്പന: ഇടുക്കി കട്ടപ്പനയില്‍ തോട്ടത്തിലെ ഗ്രാമ്ബു വിളവെടുപ്പിനിടെ മധ്യവയസ്കൻ ഏണിയില്‍ നിന്ന് വീണ് മരിച്ചു.കട്ടപ്പന മേട്ടുക്കുഴി സ്വദേശി കോകാട്ട് സാബു വർക്കി(55) ആണ് മരിച്ചത്. തിങ്കളാഴ്ച 11 മണിയോടെയാണ് സംഭവം. സ്വന്തം തോട്ടത്തില്‍ ഗ്രാമ്ബു വിളവെടുപ്പ് നടത്തുന്ന സമയം സാബു ഏണിയില്‍ നിന്ന് വീഴുകയായിരുന്നു. സമീപം ഉണ്ടായിരുന്ന അഥിതി തൊഴിലാളികള്‍ സമീപത്തെ റേഷൻ കടയില്‍ വിവരം അറിയിക്കുകയും ഇവർ ചേർന്ന് കട്ടപ്പനയിലെ സ്വകാര്യ ആശുപത്രിയില്‍ എത്തിക്കുകയും ചെയ്തു.
എന്നാല്‍ മരണം സംഭവിച്ചിരുന്നു. കട്ടപ്പന പൊലീസ് മേല്‍ നടപടികള്‍ സ്വീകരിച്ചു. സംസ്കാരം ചൊവ്വാഴ്ച രാവിലെ 10 ന് കട്ടപ്പന സെന്റ് ജോർജ് ഫൊറോനാ ദേവാലയ സെമിത്തേരിയില്‍. ഭാര്യ എല്‍സി, മക്കള്‍ അജിൻ, എബിൻ.