ശിവശങ്കറിന്റെ അറസ്റ്റ് വൈകിട്ടോടെ
മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം ശിവശങ്കര് എന്ഫോഴ്സ്മെന്റ് ഡയറക്ടറേറ്റ് കസ്റ്റഡിയില് എടുത്തു. അറസ്റ്റ് വൈകിട്ടോടെ രേഖപ്പെടുത്തും. ശിവശങ്കര് ചികിത്സയില് കഴിയുന്ന ആയുര്വേദ ആശുപത്രിയിലെത്തിയാണ് കസ്റ്റഡിയില് എടുത്തത്.
നേരത്തെ ശിവശങ്കറിന്റെ മുന്കൂര് ജാമ്യാപേക്ഷ ഹൈക്കോടതി തള്ളിയിരുന്നു. കോടതി വിധി വന്നതിന് തൊട്ടുപിന്നാലെ തന്നെ ശിവശങ്കറിനെ ഉദ്യോഗസ്ഥര് കസ്റ്റിഡിയിലെടുക്കുകയായിരുന്നു.
സ്വര്ണകടത്തിന്റെ ഗൂഢാലോചനയില് എം. ശിവശങ്കറിന് സജീവ പങ്കുണ്ടെന്നാണ് എന്ഫോഴ്സ്മെന്റിന്റെ വാദം. മുഖ്യമന്ത്രിയുടെ ഓഫിസിലെ ഉന്നത പദവി കള്ളക്കടത്തിനായി ദുരുപയോഗം ചെയ്തെന്നും എന്ഫോഴ്സ്മെന്റ് വാദിച്ചു. മുന്കൂര് ജാമ്യ ഹര്ജി നിയമപരമായി നിലനില്ക്കില്ലെന്ന് കസ്റ്റംസും ഹൈക്കോടതിയെ അറയിച്ചിട്ടുണ്ട്. അറസ്റ്റ് ഒഴിവാക്കാനുള്ള ശിവശങ്കറിന്റെ നാടകമായിരുന്നു ആശുപത്രി വാസമെന്നാണ് കസ്റ്റംസ് കോടതിയെ അറിയിച്ചിരിക്കുന്നത്. അറസ്റ്റ് ഉണ്ടാകുമെന്ന് ഭയന്നാണ് ശിവശങ്കര് കോടതിയെ സമീപിച്ചതെന്നും കസ്റ്റംസ് നല്കിയ മറുപടിയില് വ്യക്തമാക്കിയിട്ടുണ്ട്. സ്വാധീന ശേഷിയുള്ള ശിവശങ്കറിന് മുന്കൂര് ജാമ്യം നല്കിയാല് തെളിവുകള് നശിപ്പിക്കാന് സാധ്യതയുണ്ടെന്നും കേന്ദ്ര ഏജന്സികള് വാദിച്ചു.
