ബൈക്കും വാനും കൂട്ടിയിടിച്ച് ബൈക്ക് യാത്രികൻ മരണപ്പെട്ടു.

ചാവക്കാട്: ദേശീയ പാതയിൽ വാനുമായി കൂട്ടിയിച്ച് ബൈക്ക് യാത്രികൻ മരിച്ചു. തിരുവത്ര പുത്തൻകടപ്പുറം പടിഞ്ഞാറെ പള്ളിക്ക് ഹസൈനാരകത്ത് അലിയുടെ മകൻ അജ്മലാണ് (19) മരിച്ചത്. തിരുവത്ര അതിർത്തി പെട്രോൾ പമ്പിലെ ജീവനക്കാരനാണ്.

ഇന്ന് രാവിലെ 10.30 ഓടെ മണത്തല അയിനിപ്പുള്ളിയിലാണ് സംഭവം. അജ്മൽ സഞ്ചരിച്ച ബൈക്കും ഇറച്ചിക്കോഴികളുമായി പോവുകയായിരുന്ന വാനുമാണ് കൂട്ടിയിടിച്ചത്. കോട്ടപ്പുറം ലാസിയോ ആമ്പുലൻസ് പ്രവർത്തകർ ചാവക്കാട് ആശുപത്രിയിൽ എത്തിച്ചെങ്കിലും മരിച്ചു. മാതാവ്: കുൽസു.