മെമ്പർക്ക് സന്ദേശമയച്ച് ഷെബിൻ ഒടുവിൽ വൈദ്യുതി ലഭിച്ചത് 2 കുടുംബങ്ങൾക്ക്!
വീട്ടിൽ വൈദ്യുതി ഇല്ലാത്തത് കൊണ്ട് പഠനം മുടങ്ങുന്നുവെന്നും കാണിച്ച് ജില്ലാ പഞ്ചായത്ത് മെമ്പർ ഫൈസൽ എടശ്ശേരിക്ക് വാട്സാപ്പ് സന്ദേശം അയച്ചത്. ഷെബിൻ ഇക്കാര്യം മറ്റ് പല ജനപ്രതിനിധികൾക്കും അയച്ചിരുന്നുവെങ്കിലും പ്രതികരണമൊന്നും ലഭിച്ചിരുന്നില്ല.
മെമ്പർക്ക് സന്ദേശമയച്ച് ഷെബിൻ ഒടുവിൽ വൈദ്യുതി ലഭിച്ചത് 2 കുടുംബങ്ങൾക്ക്!
മലപ്പുറം: ജില്ലാ പഞ്ചായത്തംഗം ഫൈസൽ എടശ്ശേരിയുടെ ഇടപെടലിലൂടെ ചമ്രവട്ടത്തെ നിർദ്ധനരായ രണ്ട് കുടുംബങ്ങൾക്ക് സൗജന്യമായി വൈദ്യുതി കണക്ഷന് വഴിയൊരുങ്ങി. ഏതാനും ദിവസങ്ങൾക്ക് മുൻപാണ് ചമ്രവട്ടം ആനൊഴുക്ക് പാലത്തിനടുത്ത പാമ്പലത്ത് വീട്ടിൽ ഷറഫുവിന്റെ മകൻ മുഹമ്മദ്‌ ഷെബിൻ ഓൺലൈൻ പഠനാവശ്യാർത്ഥം മൊബൈൽ ഫോൺ ഉണ്ടെന്നും എന്നാൽ വീട്ടിൽ വൈദ്യുതി ഇല്ലാത്തത് കൊണ്ട് പഠനം മുടങ്ങുന്നുവെന്നും കാണിച്ച് ജില്ലാ പഞ്ചായത്ത് മെമ്പർ ഫൈസൽ എടശ്ശേരിക്ക് വാട്സാപ്പ് സന്ദേശം അയച്ചത്. ഷെബിൻ ഇക്കാര്യം മറ്റ് പല ജനപ്രതിനിധികൾക്കും അയച്ചിരുന്നുവെങ്കിലും പ്രതികരണമൊന്നും ലഭിച്ചിരുന്നില്ല.
മെസ്സേജ് ലഭിച്ച തൊട്ടടുത്ത ദിവസം തന്നെ കുട്ടിയുടെ വീട്ടിലെത്തിയ ജില്ലാ പഞ്ചായത്തംഗം. ബിപിഎൽ വിഭാഗത്തിലുള്ളവർക്ക് ലഭിക്കുന്ന സൗജന്യ കണക്ഷനുള്ള പരമാവധി ദൂരത്തിന്റെ ഇരട്ടിയാണ് നിലവിലുള്ള ഇലക്ട്രിക് പോസ്റ്റിൽ നിന്നുള്ള ദൂരമെന്ന് മനസ്സിലാക്കി. ശേഷം ഇവിടേക്ക് വൈദ്യുതി ലൈൻ നീട്ടണമെങ്കിൽ ഒന്നര ലക്ഷം രൂപയോളം വരും എന്ന് മനസിലാക്കുകയും ചെയ്തു. ഇത് വഹിക്കാൻ കുടുംബത്തിന് കഴിയില്ല എന്നും കുട്ടികളുടെ ഓൺലൈൻ പഠനവും ഇത് മൂലം തടസ്സപ്പെടുന്നു എന്ന് മനസിലാക്കിയ മെമ്പർ ഉടൻ തന്നെ കെഎസ്ഇബി അധികൃതരുമായി ബന്ധപ്പെട്ടു.
കുറച്ചു അകലെയുള്ള മറ്റൊരു വീട്ടിലേക്ക് വൈദ്യുതി കണക്ഷൻ എത്തിയാൽ രണ്ട് കുടുംബങ്ങൾക്കും സൗജന്യ കണക്ഷൻ ലഭിക്കും എന്ന് കണ്ടെത്തിയത്. എന്നാൽ വീട് വയറിങ് ചെയ്യാൻ ഉടമയായ മൈമുനക്ക് സാധ്യമായിരുന്നില്ല. ഇക്കാര്യം അറിഞ്ഞതോടെ ഫൈസൽ എടശ്ശേരി തന്റെ സുഹൃത്തുക്കളെ വിളിച്ച് സഹായം ആവശ്യപ്പെട്ടു. തുടർന്ന് മുഴുവൻ സാധന സാമഗ്രികളുടെ ചെലവും പട്ടർനടക്കാവിലെ വ്യാപാരി സി. പി. ട്രെഡേഴ്‌സ് ഉടമ സി പി. റസാഖ്‌ എന്ന മാനു ഏറ്റെടുത്തു. ഇതോടെ ഒരു വീട്ടിലേക്ക് വൈദ്യുതി എത്തിക്കാൻ ശ്രമിച്ച ജില്ലാ പഞ്ചായത്ത് മെമ്പറുടെ ഇടപെടൽ രണ്ട് കുടുംബങ്ങൾക്ക് വൈദ്യുതി എത്തിക്കാനും സഹായകമായി. മെമ്പറുടെ അഭ്യർത്ഥന മാനിച്ച് വയറിങ് ജോലികൾ പ്രദേശത്തെ ചെറുപ്പക്കാർ സൗജന്യമായി ഏറ്റെടുത്ത് പൂർത്തീകരിച്ചു.
രണ്ട് കുടുംബങ്ങൾക്കും ഉടൻ തന്നെ സംസ്ഥാന സർക്കാരിന്റെ ദാരിദ്ര്യ രേഖക്ക് താഴെയുള്ളവർക്ക് നൽകുന്ന സൗജന്യ വൈദ്യുതി കണക്ഷൻ ലഭിക്കും. ഇതിലേക്കാവശ്യമായ ഇളക്ട്രിക് സാധനങ്ങളുടെ തുക ഇവരുടെ വീട്ടിലെത്തി ഫൈസൽ എടശ്ശേരി കൈമാറി. ഇനിയുള്ള കാലം വൈദ്യുതി വെളിച്ചത്തിൽ പഠിക്കാൻ കഴിയും എന്ന സന്തോഷത്തിലാണ് ഷെബിൻ. താൻ കാരണം മറ്റൊരു കുടുംബത്തിനുന് വൈദ്യുതി ലഭിച്ചതിന്‍റെ ഇരട്ടി സന്തോഷവും ഷെബിനുണ്ട്. ചടങ്ങിൽ ബ്ലോക്ക് പഞ്ചായത്ത് മെമ്പർ വി. പി. ഹംസ, മുസ്തഫ ഹാജി ആലത്തിയൂർ, വി. പി. യാഹുട്ടി ഹാജി, ടി. നൗഷാദ്, എം. ലത്തീഫ്, വി. പി. കബീർ, ഐ. പി. കാദർ, കെ. വി. ഇബ്രാഹിം, പി. ജലീൽ, എം. മുജീബ്, ഇർഫാൻ, കെ. വി. ഹൈദരലി, ടി. പി റഫീഖ്, എം. പി. ശരീഫ്, സിദ്ധീഖ്, കുഞ്ഞിപ്പ, യു. ഷംസു, ശറഫുദ്ധീൻ എന്നിവർ സന്നിഹിതരായിരുന്നു.