സമഗ്ര കുടിവെള്ള പദ്ധതി സമയബന്ധിതമായി നടപ്പാക്കണമെന്ന് സി പി ഐ എം പുറത്തൂർ ഈസ്റ്റ് ലോക്കൽ സമ്മേളനം
തിരൂർ: അതിരൂക്ഷമായ കുടിവെള്ള ക്ഷാമം നേരിടുന്ന പുറത്തൂർ പഞ്ചായത്തിൽ സമഗ്ര കുടിവെള്ള പദ്ധതി സമയബന്ധിതമായി നടപ്പാക്കണമെന്ന് സി പി ഐ എം പുറത്തൂർ ഈസ്റ്റ് ലോക്കൽ സമ്മേളനം പ്രമേയത്തിലൂടെ ആവശ്യപ്പെട്ടു.പുറത്തൂർ സീഎച്ച് സി യിൽ രാത്രകാല സ്യൂട്ടിക്ക് ഡോക്ടർമാരെ നിയമിക്കണമെന്നു സമ്മേളനം ആവശ്യപ്പെട്ടു.
പി സുബ്രഹ്മണ്യൻ നഗറിൽ നടന്ന സമ്മേളനം സി പി ഐ എം ഏരിയാ സെക്രട്ടറി അഡ്വ പി ഹംസ കുട്ടി ഉദ്ഘാടനം ചെയ്തു.
ടി കെ സദാശിവൻ, അനിത കണ്ണത്ത്, പി രാധാകൃഷ്ണൻ എന്നിവരടങ്ങിയ പ്രസിഡീയം സമ്മേളനം നിയന്ത്രിച്ചു. ലോക്കൽ സെക്രട്ടറി
എ പി സുദേവൻ പ്രവർത്തന റിപ്പോർട്ട് അവതരിപ്പിച്ചു. ജില്ലാ കമ്മിറ്റി അംഗങ്ങളായ
കൂട്ടായി ബഷീർ, എ ശിവദാസൻ, ഏരിയാ കമ്മിറ്റി അംഗങ്ങളായ കൊടക്കാട് ബഷീ<ർ ,അഡ്വ യു സൈനുദ്ദീൻ, കെ വി സുധാകരൻ, സി ഒ ശ്രീനിവാസൻ എന്നിവർ സംസാരിച്ചു.
പ്രീത പുളിക്കൽ സ്വാഗതവും സിദ്ദീഖ് കടകശ്ശേരി നന്ദിയും പറഞ്ഞു.
എ പി സുദേവൻ സെക്രട്ടറിയായി 11 അംഗ ലോക്കൽ കമ്മിറ്റിയെ തിരഞ്ഞെടുത്തു. ലോക്കൽ കമ്മിറ്റിക്ക് കീഴിൽ പുതുതായി ദേശാഭിമാനി വരിക്കാരായ
371 വരിക്കാരുടെ ലിസ്റ്റും വരിസംഖ്യയും ജില്ലാ സെക്രട്ടറി ഇ എൻ മോഹൻ ദാസ് ഏറ്റുവാങ്ങി.