കനത്ത മഴ: കരിപ്പൂരിൽ വീട് തകർന്ന് രണ്ട് കുട്ടികൾ മരിച്ചു
മലപ്പുറം: കരിപ്പൂരിൽ വീട് തകർന്ന് രണ്ട് കുട്ടികൾ മരിച്ചു. റിസാന (എട്ട്), റിൻസാന (ഏഴ് മാസം) എന്നിവരാണ് മരിച്ചത്. മുഹമ്മദ് കുട്ടി എന്നയാളുടെ വീടാണ് തകർന്നത്. ഇയാളുടെ പേരക്കുട്ടികളാണ് അപകടത്തിൽപ്പെട്ടത്. കനത്ത മഴയിൽ ചൊവ്വാഴ്ച പുലർച്ച അഞ്ചിനാണ് അപകടം.
കരിപ്പൂരിലടക്കം മലപ്പുറം ജില്ലയിൽ കനത്ത മഴ തുടരുകയാണ്. വിമാനത്താവളത്തിൽ രണ്ട് വിമാനങ്ങൾ ഇന്നലെ തിരിച്ചുവിട്ടിരുന്നു.
മലയോര മേഖലയിൽ പുഴകൾ കരകവിഞ്ഞൊഴുകി. വീടുകളും കൃഷിയിടങ്ങളുമെല്ലാം വെള്ളത്തിനടിയിലായിട്ടുണ്ട്. പലയിടത്തും ഗതാഗതവും നിലച്ചു.