കടലിൽ അജ്ഞാത മൃതദേഹം മീൻ വലയിൽ കുരുങ്ങിയ നിലയിൽ കണ്ടെത്തി

തൃശൂർ : ചാവക്കാട് കടലിൽ അജ്ഞാത മൃതദേഹം. മത്സ്യബന്ധന ബോട്ടിലെ വലയിലാണ് മൃതദേഹം കുടുങ്ങിത്. മുനക്കകടവ് ഫിഷ് ലാന്റിങ്ങിൽ നിന്നും പോയ നൂറുൽ ഹുദാ ബോട്ടിലെ വലയിലാണ് മൃതദേഹം കുടുങ്ങിയത്.

ബോട്ടിൽ തന്നെ മൃതദേഹം മുനക്കകടവ് ഫിഷ് ലാന്റിങ് സെന്ററിൽ എത്തിച്ചു. 40 വയസ്സ് പ്രായം തോന്നിക്കുന്ന പുരുഷന്റെ മൃതദേഹമാണ് കണ്ടെത്തിയത്. ആളെ തിരിച്ചറിഞ്ഞിട്ടില്ല. മൃതദേഹം ചാവക്കാട് താലൂക്ക് ആശുപത്രിയിലേക്ക് മാറ്റി.