മാര്‍ച്ച് 24ന് ആരംഭിക്കുന്ന ബസ്സ് സമരം വിജയിപ്പിക്കും;ജില്ലാ സംയുക്ത ബസ്സ് ഉടമ കൂട്ടായ്മ കണ്‍വെന്‍ഷന്‍
മലപ്പുറം; മാര്‍ച്ച് 24 മുതല്‍ നടത്താന്‍ തീരുമാനിച്ച അനിശ്ചിതകാല ബസ്സ് സമരം വിജയിപ്പിക്കാന്‍ ജില്ലാ സംയുക്ത ബസ്സ് ഉടമ കൂട്ടായ്മ കണ്‍വെന്‍ഷന്‍ തൊഴിലാളികളോടും പൊതുജനങ്ങളോടും അഭ്യര്‍ത്ഥിച്ചു.
മലപ്പുറത്ത് നടന്ന് കണ്‍വെന്‍ഷന്‍ മലപ്പുറം എന്‍ഫോഴ്‌സ്‌മെന്റ് ആര്‍ ടി ഒ കെ കെ സുരേഷ് കുമാര്‍ പരിപാടികള്‍ ഉദ്ഘാടനം ചെയ്തു.മുഹമ്മദാലി ഹാജി അധ്യക്ഷത വഹിച്ചു.ബസ്സ് ഓപ്പറേറ്റേഴ്‌സ് ഓര്‍ഗനൈസേഷന്‍ സംസ്ഥാന പ്രസിഡന്റ് പി കെ മൂസ്സ് മുഖ്യ പ്രഭാഷണം നടത്തി.മലപ്പുറം എന്‍ഫോഴ്‌സ്‌മെന്റ് എം വി ഐ സജി തോമസ്സ് വിവിധ വിഷയങ്ങളെക്കുറിച്ച് ക്ലാസ്സെടുത്തു.
വാക്കിയത്ത് കോയ,കരീം നിനുസ്റ്റാര്‍,ലത്തീഫ് തിരൂര്‍,സഫീര്‍ സൂപ്പര്‍ കിംഗ്,നാസര്‍ മലയില്‍,മാനു പാസ് തുടങ്ങിയവര്‍ സംസാരിച്ചു.ബസ്സ് ഉടമകളായിരിക്കെ മരണമടഞ്ഞ ബസ്സുടമകളെ കണ്‍വെന്‍ഷന്‍ അനുസ്മരിച്ചു.