തൈക്വാൻഡോയില്‍ പെണ്‍കരുത്തായി ഗന്യ
കാസര്‍കോട്: സംസ്ഥാന സ്കൂള്‍ ഗെയിംസില്‍ തൈക്വാൻഡോയില്‍ സ്വര്‍ണമെഡല്‍ നേടി വിദ്യാര്‍ഥിനി അഭിമാനമായി. എടനീര്‍ സ്വാമിജീസ് ഹയര്‍ സെക്കൻഡറി സ്കൂളിലെ പ്ലസ് വണ്‍ വിദ്യാര്‍ഥിനി എൻ.ഗന്യയാണ് ഈ നേട്ടത്തിന് അര്‍ഹയായത്. 17 വയസ്സിന് താഴെ പെണ്‍കുട്ടികളുടെ 50-65 കി.ഗ്രാം വിഭാഗത്തിലാണ് ഗന്യ മികവുകാട്ടിയത്.
തൈക്വാൻഡോയില്‍ സീനിയര്‍, ജൂനിയര്‍ വിഭാഗങ്ങളില്‍ കാസര്‍കോടിന് ഓവറോള്‍ കിരീടം നേടുന്നതിലും ഗന്യ പങ്കുവഹിച്ചു. ഈ വിജയത്തോടെ മധ്യപദേശില്‍ നടക്കുന്ന ദേശീയ സ്കൂള്‍ ഗെയിംസിലേക്കും ഗന്യ യോഗ്യതനേടി. കാസര്‍കോട് യോദ്ധ തൈക്വാൻഡോ അക്കാദമിയിലെ ജയൻ പൊയിനാച്ചിയുടെ കീഴിലാണ് പരിശീലനം. സ്വകാര്യ സ്ഥാപനത്തില്‍ മാനേജറായ കറന്തക്കാട്ടെ ബി. നവീൻ കുമാര്‍-കാസര്‍കോട് കിംസ് ആശുപത്രി ഫ്രന്റ് ഓഫിസ് മാനേജര്‍ രാജേശ്വരി ദമ്ബതികളുടെ മകളാണ്.