തുഞ്ചൻ മെമ്മോറിയൽ ഗവ. കോളേജ്, തിരൂരിൽ പുസ്തക പ്രകാശനം നടന്നു.

തിരൂർ : വിജയരാജമല്ലിക എഴുതിയ ഖനികൾ , സബ്ന കെ. എഴുതിയ ജെൻഡർ പഠനങ്ങൾ എന്നീ കൃതികളുടെ പ്രകാശനം തിരൂർ തുഞ്ചൻ മെമ്മോറിയൽ ഗവ.കോളേജ്, തിരൂരിൽ നടന്നു. വിജയരാജമല്ലികയുടെ ഖനികൾ എന്ന കവിതാ പുസ്തകത്തിന്റെ പ്രകാശനം മലയാളം സർവ്വകലാശാല ഡവലപ്മെന്റ് സ്റ്റഡീസ് വിഭാഗം അധ്യാപികയായ ഡോ. എം.ജി. മല്ലികയും സബ് ന കെ. എഴുതിയ ജെൻഡർ പഠനങ്ങൾ എന്ന പുസ്തകത്തിന്റെ പ്രകാശനംവിജയരാജമല്ലികയും നിർവ്വഹിച്ചു. ഖനികൾ അനസ് എൻ. എസും ജെൻഡർ പഠനങ്ങൾ ഡോ. വിജു നായരങ്ങാടിയും ഏറ്റുവാങ്ങി. ഡോ. സരിഗമ ആർ. നായർ , ഡോ. എച്ച്.കെ. സന്തോഷ് എന്നിവർ പുസ്തകങ്ങളെ പരിചയപ്പെടുത്തി. പുസ്തക പ്രസാധകനായ ശ്രീജിത്ത് കോവൂർ ചടങ്ങിന് ആശംസ അർപ്പിച്ച് സംസാരിച്ചു. പ്രിൻസിപ്പാൾ ഡോ. അജിത്ത് എം.എസ്. അധ്യക്ഷനായ ചടങ്ങിൽ സ്വാഗതം മലയാ വിഭാഗം വകുപ്പദ്ധ്യക്ഷൻ ഡോ. സ്റ്റാലിൻ ദാസും നന്ദി മലയാള വിഭാഗം അസിസ്റ്റന്റ് പ്രൊഫസർ ഡോ. പ്രസീദ യു.വി യും നിർവ്വഹിച്ചു.