ന്യൂയോര്‍ക്ക് സിറ്റിയെ തകര്‍ത്തു; ഈസ്റ്റേണ്‍ കോണ്‍ഫറന്‍സ് കപ്പ് ചാമ്ബ്യന്മാരായി ഇന്റര്‍ മയാമി
എംഎല്‍എസ് ഈസ്റ്റേണ്‍ കോണ്‍ഫറൻസ് കിരീടത്തില്‍ മുത്തമിട്ട് ഇന്റർ മയാമി. ഫൈനലില്‍ ന്യൂയോർക്ക് സിറ്റി എഫ്സിയെ പരാജയപ്പെടുത്തിയാണ് സൂപ്പർ താരം ലയണല്‍ മെസിയും സംഘവും ചാമ്ബ്യന്മാരായത്.ഒന്നിനെതിരെ അഞ്ച് ഗോളുകളുടെ തകർപ്പൻ വിജയമാണ് മയാമി സ്വന്തമാക്കിയത്.
ഇന്റർ മയാമിക്ക് വേണ്ടി അല്ലെന്റെ ഹാട്രിക്ക് നേടിത്തിളങ്ങി. ഓരോ ഗോള്‍ വീതം നേടിയ മറ്റെയോ സില്‍വെറ്റിയും ടെലാസ്‌കോ സെഗോവിയയും അസിസ്റ്റ് നല്‍കി മെസിയും മയാമിയുടെ വിജയത്തില്‍ പങ്കാളികള്‍ ആയി.
കിരീടനേട്ടത്തോടെ ചരിത്രം കുറിക്കാനും മെസ്സിപ്പടയ്ക്ക് സാധിച്ചു. ഇന്റർ മയാമി ക്ലബ്ബ് നിലവില്‍ വന്ന ശേഷം ചരിത്രത്തില്‍ ആദ്യമായാണ് ഈസ്റ്റേണ്‍ കോണ്‍ഫറൻസ് കിരീടം സ്വന്തമാക്കുന്നത്. വിജയത്തോടെ ഇന്റർ മയാമി എംഎല്‍എസ് കപ്പ് ഫൈനലിലേക്ക് യോഗ്യത നേടുകയും ചെയ്തു.
