ഫിബ ലോകകപ്പ് യോഗ്യതാ മത്സരം: ഖത്തറിനെതിരെ സൗദി അറേബ്യക്ക് തകർപ്പൻ വിജയം
ഇർഫാൻ ഖാലിദ്
ദോഹ: ഫിബ ബാസ്കറ്റ്ബോൾ ലോകകപ്പ് 2027 ഏഷ്യൻ ക്വാളിഫയേഴ്സ് ഗ്രൂപ്പ് ഡി-യിലെ ആവേശപ്പോരാട്ടത്തിൽ ഖത്തറിനെതിരെ സൗദി അറേബ്യക്ക് തകർപ്പൻ വിജയം. ദോഹയിലെ അൽ-ഗറാഫ സ്പോർട്സ് ക്ലബ് മൾട്ടിപർപ്പസ് ഹാളിൽ നടന്ന മത്സരത്തിൽ 86-80 എന്ന സ്കോറിനാണ് സൗദി അറേബ്യ ഖത്തറിനെ പരാജയപ്പെടുത്തിയത്.
മത്സരത്തിന്റെ തുടക്കം മുതൽ മികച്ച ആധിപത്യം പുലർത്താൻ സൗദി ടീമിനായി. എന്നാൽ കളിയുടെ അവസാന ഘട്ടങ്ങളിൽ ശക്തമായ തിരിച്ചുവരവിനാണ് ഖത്തർ ശ്രമിച്ചതെങ്കിലും, കൃത്യമായ പ്രതിരോധത്തിലൂടെ സൗദി അറേബ്യ വിജയം ഉറപ്പിച്ചു നിർത്തുകയായിരുന്നു.
ഈ വിജയത്തോടെ ഗ്രൂപ്പ് ഡി-യിൽ 7 പോയിന്റോടെ സൗദി അറേബ്യ രണ്ടാം സ്ഥാനത്തേക്ക് മുന്നേറി. തോൽവി വഴങ്ങിയ ഖത്തറിന് നിലവിൽ 6 പോയിന്റാണുള്ളത്.
ഖത്തറിന്റെ അടുത്ത മത്സരങ്ങൾ ഇനി പറയുന്ന രീതിയിലാണ് ക്രമീകരിച്ചിരിക്കുന്നത്:
ജൂലൈ 2: ഇന്ത്യക്കെതിരെ (അഹമ്മദാബാദിൽ വെച്ച്)
ജൂലൈ 5: സൗദി അറേബ്യക്കെതിരെ (ജെദ്ദയിൽ വെച്ച്)
രണ്ടാം റൗണ്ട് പോരാട്ടങ്ങൾക്കായി ടീമുകൾ കടുത്ത പരിശീലനത്തിലാണ്.