ചര്മ്മത്തെ സംരക്ഷിക്കാന് ശ്രദ്ധിക്കേണ്ട 10 കാര്യങ്ങള്
ചര്മ്മ സംരക്ഷണമെന്നത് ഇന്ന് ജീവിതശൈലിയുടെ ഭാഗമായി മാറിയിരിക്കുന്ന ഒന്നാണ്. ചുളിവുകള്, നേര്ത്ത വരകള്, വരണ്ട ചര്മ്മം, കുറഞ്ഞ ഊര്ജ്ജ നില എന്നിവ വാര്ദ്ധക്യത്തിന്റെ ചില സാധാരണ ലക്ഷണങ്ങളാണ്. പലരും ആന്റി-ഏജിംഗ് ഉല്പ്പന്നങ്ങള് ഉപയോഗിച്ച് തന്നെയാണ് ചര്മ്മത്തെ സംരക്ഷിച്ച് വരുന്നത്. ചര്മ്മത്തെ സംരക്ഷിക്കുന്നതിനായി ജീവിതശൈയില് ശ്രദ്ധിക്കേണ്ട ചില കാര്യങ്ങള്.
* സമീകൃതാഹാരം കഴിക്കുക
ധാരാളം പഴങ്ങള്, പച്ചക്കറികള്, ധാന്യങ്ങള്, പ്രോട്ടീനുകള് എന്നിവ ഭക്ഷണത്തില് ഉള്പ്പെടുത്തുക. ആന്റിഓക്സിഡന്റുകള് അടങ്ങിയ ഭക്ഷണങ്ങള് (സരസഫലങ്ങള്, നട്സ്, കടും ഇലക്കറികള് എന്നിവ) വാര്ദ്ധക്യത്തെ ത്വരിതപ്പെടുത്തുന്ന ഓക്സിഡേറ്റീവ് സമ്മര്ദ്ദത്തെ ചെറുക്കാന് സഹായിക്കും. പോഷകസമൃദ്ധമായ ഭക്ഷണക്രമം മൊത്തത്തിലുള്ള ആരോഗ്യത്തിന് സഹായിക്കും.
* സണ്സ്ക്രീന് ധരിക്കുക
SPF 30 അല്ലെങ്കില് അതില് കൂടുതലുള്ള സണ്സ്ക്രീന് പുരട്ടുന്നതിലൂടെ യുവി വികിരണങ്ങളില് നിന്ന് ചര്മ്മത്തെ സംരക്ഷിക്കാം. അമിതമായ സൂര്യപ്രകാശം ഏല്ക്കുന്നത് വാര്ദ്ധക്യത്തെ ത്വരിതപ്പെടുത്തും.
* പഞ്ചസാര ഒഴിവാക്കുക
പഞ്ചസാര അമിതമായി കഴിക്കുന്നത് പ്രായവുമായി ബന്ധപ്പെട്ട വിവിധ രോഗങ്ങളുമായി ബന്ധപ്പെട്ടിരിക്കുക ചെയ്യുന്നു. ഫ്രക്ടോസ് ശരീരത്തിന്റെ അനാബോളിക് പ്രതിപ്രവര്ത്തനങ്ങളെ തടസ്സപ്പെടുത്തുന്നു.
* സ്ട്രെസ് കുറയ്ക്കുക
വിട്ടുമാറാത്ത സമ്മര്ദ്ദം മാനസികവും ശാരീരികവുമായ ആരോഗ്യത്തെ പല തരത്തില് ദോഷകരമായി ബാധിക്കുകയും ചെയ്യും. ധ്യാനം, യോഗ, അല്ലെങ്കില് ആഴത്തിലുള്ള ശ്വസന വ്യായാമങ്ങള് സ്ട്രെസ് കുറയ്ക്കാന് സഹായിക്കും.
* വ്യായാമം ചെയ്യുക
പതിവായി വ്യായാമം ചെയ്യുന്നത് ഹൃദയാരോഗ്യം മെച്ചപ്പെടുത്തുകയും മാനസികാവസ്ഥ വര്ദ്ധിപ്പിക്കുകയും ചെയ്യുന്നു.
* പുകവലി ഉപേക്ഷിക്കുക
ചര്മ്മത്തിന്റെ ആരോഗ്യത്തിന് ഏറ്റവും ദോഷകരമായ ശീലങ്ങളില് ഒന്നാണ് പുകവലി. ഇത് അകാല വാര്ദ്ധക്യ ലക്ഷണങ്ങള്ക്ക് കാരണമാകും.
* നന്നായി ഉറങ്ങുക
ഉറക്കക്കുറവ് പലതരം ആരോഗ്യപ്രശ്നങ്ങള്ക്ക് കാരണമാകുകയും ചര്മ്മത്തിന്റെ രൂപഭംഗിയെ ബാധിക്കുകയും ചെയ്യും. ദിവസവും കുറഞ്ഞത് 7-8 മണിക്കൂര് ഉറങ്ങുന്നുണ്ടെന്ന് ഉറപ്പ് വരുത്തുക.
* നന്നായി വെള്ളം കുടിക്കുക
നിര്ജലീകരണം മൂലം ചുളിവുകള്, നേര്ത്ത വരകള് എന്നിവ ഉണ്ടാകാം. നല്ല ആരോഗ്യത്തിന് ആവശ്യത്തിന് വെള്ളം കുടിക്കേണ്ടത് അത്യാവശ്യമാണ്.
* മദ്യപാനം ഒഴിവാക്കുക
അമിതമായ മദ്യപാനം ചര്മ്മത്തെയും മൊത്തത്തിലുള്ള ആരോഗ്യത്തെയും ദോഷകരമായി ബാധിക്കും.
* ഉപ്പ് കുറയ്ക്കുക
ഉയര്ന്ന സോഡിയം കഴിക്കുന്നത് ചര്മ്മത്തിന്റെ ആരോഗ്യത്തെ പ്രതികൂലമായി ബാധിക്കുകയും ചുളിവുകള്ക്കും വീക്കത്തിനും കാരണമാവുകയും ചെയ്യും. ഇത് രക്തസമ്മര്ദ്ദം, ഹൃദ്രോഗ സാധ്യത എന്നിവ വര്ദ്ധിപ്പിക്കുകയും ചെയ്യും.