Fincat

സംസ്ഥാന സ്‌പെഷ്യല്‍ സ്‌കൂള്‍ കലോത്സവത്തിന് ഇന്ന് തിരശ്ശീല ; രണ്ടാം ദിനം തൃശൂർ മുന്നിൽ

കോഴിക്കോട്, മലപ്പുറം, എറണാകുളം, കോട്ടയം ജില്ലകൾ യഥാക്രമം രണ്ട് , മൂന്ന് , നാല് , അഞ്ച് , സ്ഥാനങ്ങളിൽ

തിരൂര്‍: 6-മത് സംസ്ഥാന സ്‌പെഷ്യല്‍ സ്‌കൂള്‍ കലോത്സവത്തിന്റെ രണ്ടാം ദിനം അവസാനിച്ചപ്പോള്‍ 518 പോയിന്റുകള്‍ നേടി തൃശൂർ ജില്ല ഒന്നാമതെത്തി.കോഴിക്കോട് 475, മലപ്പുറം 453, എറണാകുളം 362, കോട്ടയം 312 പോയിൻ്റുകൾ നേടി യഥാക്രമം രണ്ട് , മൂന്ന് , നാല് , അഞ്ച് സ്ഥാനങ്ങളിൽ കരസ്ഥമാക്കി. സമാപന ദിവസമായ ഇന്ന് നടക്കുന്ന മത്സര ഫലങ്ങൾ കൂടി പുറത്തു വന്നാൽ ഓവറോൾ ചാമ്പ്യൻമാരെ അറിവാകും.

1 st paragraph

കലോത്സവത്തിന്റെ മൂന്നാം ദിവസമായ ഇന്ന് (ശനി) വിവിധ വേദികളിലായി തിരുവാതിര കളി, കഥാ കഥനം, പ്രസംഗം, ശാസ്ത്രീയ സംഗീതം തുടങ്ങിയ മത്സരങ്ങൾ അരങ്ങേറും.
തിരൂര്‍ ഗവ.ബോയ്‌സ് ഹയര്‍സെക്കണ്ടറി സ്‌കൂളിൽ മൂന്ന് ദിവസങ്ങളിലായി നടക്കുന്ന കലോത്സവം ഇന്ന് സമാപിക്കും. വൈകിട്ട് 4 ന് പൊതുവിദ്യാഭ്യാസ ഡയറക്ടർ ഉമേഷ് എൻ.എസ്.കെ ഐ.എ.എസ് സമാപന സമ്മേളനം ഉദ്ഘാടനം ചെയ്യും.

പൊതുവിദ്യാഭ്യാസ വകുപ്പ് ജോ. ഡയറക്ടർ എ അബൂബക്കർ അധ്യക്ഷത വഹിക്കും. കാലിക്കറ്റ് സർവകലാശാല രജിസ്ട്രാർ ഡോ.ദിനോജ് സെബാസ്റ്റ്യൻ മുഖ്യാതിഥിയാകും. പൊതു വിദ്യാഭ്യാസ അഡീഷണൽ ഡയറക്ടർ സി.എ സന്തോഷ് ഫലപ്രഖ്യാപനം നടത്തും.

2nd paragraph