അമ്മത്തൊട്ടിലില് പുതിയ അതിഥി എത്തി; ഭീം എന്ന് പേരിട്ടു
തിരുവനന്തപുരം: സംസ്ഥാന ശിശുക്ഷേമ സമിതിയുടെ അമ്മത്തൊട്ടിലില് പുതിയ അതിഥിയെത്തി. കുട്ടിയ്ക്ക് ഭീം എന്ന് പേര് നല്കി അധികൃതർ.ഇന്നലെ രാത്രി 10.50 നാണ് 10 ദിവസം പ്രായം തോന്നിക്കുന്ന ആണ്കുഞ്ഞിനെ അമ്മത്തൊട്ടിലില് ലഭിച്ചത്. ഡോ. ഭീംറാവു അംബേദ്കറുടെ സമൃതി ദിനമായ ഇന്നലെ ലഭിച്ചതിനാലാണ് ഭീം എന്ന് പേരിട്ടതായി ശിശുക്ഷേമ സമിതി ജനറല് സെക്രട്ടറി അറിയിച്ചു.10 ദിവസം പ്രായവും 2.13 കി.ഗ്രാം ഭാരവുമുള്ള ആണ്കുഞ്ഞ് അതിഥിയായി എത്തിയത്. ഒക്ടോബർ, നവംബർ, ഡിസംബർ മാസങ്ങളിലായി തിരുവനന്തപുരത്ത് 8 കുട്ടികളെയാണ് അമ്മത്തൊട്ടിലില് നല്കിയത്. സെപ്തംബർ മാസം നാല് കുട്ടികളും അമ്മത്തൊട്ടിലില് എത്തിയിരുന്നു.
