കരിപ്പൂരിൽ ഇന്നുമുതൽ ആഭ്യന്തര യാത്രക്കാർക്കും ആർടിപിസിആർ ടെസ്റ്റ്

 കരിപ്പൂർ: വിമാനത്താവളത്തിലെത്തുന്ന ആഭ്യന്തര യാത്രക്കാർക്ക് ഇന്നു മുതൽ കോഴിക്കോട് വിമാനത്താവളത്തിൽ ആർടിപിസിആർ ടെസ്റ്റ് നടത്താനുള്ള സൗകര്യം ലഭ്യമാക്കും. അതോടെ, കോവിഡ് നെഗറ്റീവ് സർട്ടിഫിക്കറ്റ് ഇല്ലാതെ കോഴിക്കോട് വിമാനത്താവളത്തിലേക്ക് യാത്ര ചെയ്യാനാകും.

രാജ്യാന്തര യാത്രക്കാർക്ക് ടെസ്റ്റിനുള്ള സൗകര്യം നേരത്തേ ഉണ്ടെങ്കിലും ആഭ്യന്തര യാത്രക്കാർക്കുള്ള പരിശോധന നിർത്തിയിരുന്നു. ഇതുസംബന്ധിച്ച് എം.കെ.രാഘവൻ എംപി വിമാനത്താവളം അധികൃതരുമായി ചർച്ച നടത്തിയിരുന്നു.