മൊബൈൽ ഫോൺ പൊട്ടിത്തെറിച്ചു; അഥിതി തൊഴിലാളിക്ക് പരിക്ക്

മലപ്പുറം: മൊബൈൽ ഫോൺ ഷോപ്പിലെത്തിയ ഉപഭോക്​താവി​ന്റെ പോക്കറ്റിലുണ്ടായിരുന്ന ഫോൺ പൊട്ടിത്തെറിച്ചു. കുന്നുംപുറത്ത് കൊണ്ടോട്ടി റോഡിലുള്ള മൊബൈൽ ഷോപ്പിലാണ് സംഭവം നടന്നത്​.

ചൈനീസ്​ ബ്രാൻഡായ ഷവോമിയുടെ ‘പോകോ എം ത്രീ പ്രൊ 5 ജി’ മോഡൽ ആൻഡ്രോയ്ഡ് ഫോണാണ് അന്തർ സംസ്ഥാന തൊഴിലാളിയുടെ പാൻറ്​സി​ന്റെ പോക്കറ്റിൽനിന്ന്​ പൊട്ടിത്തെറിച്ചത്. രണ്ടാഴ്ച മുമ്പ് വാങ്ങിയ ഫോണായിരുന്നു. പൊട്ടിത്തെറിയുടെ ആഘാതത്തിൽ ഇയാളുടെ തുടയിൽ സാരമായ പൊള്ളലേറ്റു. തിങ്കളാഴ്ച രാവിലെ 10 മണിയോടെയാണ് സംഭവം.