സി എസ് ബി ബാങ്ക് ജീവനക്കാര്‍ പണിമുടക്കും
മലപ്പുറം: ബാങ്ക് ജീവനക്കാരുടെ വേതന പരിഷ്‌കരണം പതിനൊന്നാം ഉഭയകക്ഷി കരാര്‍ പ്രകാരം എല്ലാ ബാങ്കുകളിലും നടപ്പാക്കിയിട്ടും സി എസ് ബി ബാങ്കില്‍ നടപ്പാക്കാത്തതില്‍ പ്രതിഷേധിച്ച്, ബാങ്കിലെ ജീവനക്കാരും ഓഫീസര്‍മാരും സെപ്തംബര്‍ 29, 30, ഒക്ടോ: 1തിയ്യതികളില്‍ പണിമുടക്കും.
സമരത്തിന് പിന്തുണ പ്രഖ്യാപിച്ച് കൊണ്ട് ഇതര ബാങ്കുകളിലെ ഓഫീസര്‍മാരും ജീവനക്കാര്യം ഐക്യവേദിയുടെ നേതൃത്വത്തില്‍ ബാങ്കിന്റെ മലപ്പുറം ശാഖക്ക് മുമ്പില്‍ പ്രകടനവും ധര്‍ണ്ണയും നടത്തി.
ധര്‍ണ്ണ യുഎഫ് ബി ജില്ലാ കണ്‍വീനര്‍ എ.അഹമ്മദ് ധര്‍ണ്ണ ഉല്‍ഘാടനം ചെയ്തു. ജി.കണ്ണന്‍ അദ്ധ്യക്ഷനായിരുന്നു. എഐബിഒ സി സംസ്ഥാന സെക്രട്ടരി ആര്‍.വി.രഞ്ജിത് മുഖ്യ പ്രഭാഷണം നടത്തി. വിവിധ സംഘടനാ നേതാക്കളായ ബ്രിജേഷ്, കെ.എസ്.രമേഷ്, ടി. സോമന്‍
തുടങ്ങിയവര്‍ സംസാരിച്ചു. ബാസിത് അലി സ്വാഗതവും, അനുരാജ് നന്ദിയും പറഞ്ഞു.