ദേശീയ പത്രപ്രവര്‍ത്തക ദിനം: വിവിധ പരിപാടികളോടെ ആചരിച്ചു
കോഡൂര്‍: ചട്ടിപ്പറമ്പ് പി.എം.എസ്.എ. എല്‍.പി. സ്‌കൂളില്‍ ദേശീയ പത്രപ്രവര്‍ത്തക ദിനം വിവിധ പരിപാടികളോടെ ആചരിച്ചു. പത്ര പ്രവര്‍ത്തനത്തെ കുറിച്ചുള്ള ക്ലാസ്, വിദ്യാര്‍ഥികളുടെ വാര്‍ത്താ വായന, പൊതു ലൈബ്രറിയിലേക്ക് പുസ്തകം നല്‍കല്‍, അനുമോദനം തുടങ്ങിയ പരിപാടികള്‍ ദിനാചരണത്തോടനുബന്ധിച്ച് സംഘടിപ്പിച്ചു.
ദിനാചരണ പരിപാടികളുടെ ഉദ്ഘാടനവും ഉപഹാര വിതരണവും പത്ര പ്രവര്‍ത്തകനായ പി.പി. അബ്ദുല്‍നാസര്‍ നിര്‍വഹിച്ചു. അധ്യാപകനായ സി.എച്ച്. മൊയ്തു അധ്യക്ഷത വഹിച്ചു.
പ്രഥമാധ്യാപിക ഗ്ലാഡ്്‌ലി തോമസ്, അധ്യാപകരായ എം.ടി. സബ്‌ന, സി.എച്ച്. സാഹിറ, വി. സ്വപ്‌ന തുടങ്ങിയവര്‍ സംസാരിച്ചു.
വാര്‍ത്താ വായനയിലെ മികവിന് പി. മുഹമ്മദ് ഷാലില്‍ മില്ല എന്ന വിദ്യാര്‍ഥിക്കുള്ള ഉപഹാരം ചടങ്ങില്‍ വിതരണം ചെയ്തു.