സ്വകാര്യ ബസ് തൊഴിലാളികള്‍ കലക്ട്രേറ്റ് മാര്‍ച്ച് നടത്തി
മലപ്പുറം: തൊഴില്‍രഹിതരായ സ്വകാര്യ ബസ് തൊഴിലാളികളെ സംരക്ഷിക്കുക, തൊഴിലും വരുമാനവും ഉറപ്പുവരുത്തുക, ഗതാഗത നയം പ്രഖ്യാപിക്കുക, സ്വകാര്യ ബസ് മേഖല സംരക്ഷിക്കുക തുടങ്ങിയ ആവശ്യങ്ങളുന്നയിച്ച് ബസ് ട്രാന്‍സ്‌പോര്‍ട്ട് വര്‍ക്കേഴ്‌സ് ഫെഡറേഷന്‍ (സി ഐ ടി യു )ജില്ലാ കമ്മറ്റിയുടെ ആഹ്വാനപ്രകാരം സ്വകാര്യ ബസ്സ് തൊഴിലാളികള്‍ കലക്ട്രേറ്റ് മാര്‍ച്ച് നടത്തി.
അഡ്വ കെ ഫിറോസ് ബാബു ഉല്‍ഘാടനം ചെയ്യുന്നു
ഫെഡറേഷന്‍ സംസ്ഥാന വൈസ് പ്രസിഡന്റ് അഡ്വ കെ ഫിറോസ് ബാബു ഉല്‍ഘാടനം ചെയ്തു.അനില്‍കുറുപ്പത്ത് അദ്ധ്യക്ഷത വഹിച്ചു. കെ ജാഫര്‍ സ്വാഗതവും സഹീര്‍ ചെമ്മാട് നന്ദിയും പറഞ്ഞു.
മാര്‍ച്ചിന് ഉസ്മാന്‍ പടപ്പറമ്പ് ,ശിവന്‍ കൊണ്ടോട്ടി, കെ ബാബു, ഹംസ, ഷാജഹാന്‍, ശിഹാബ് ചെമ്പന്‍ എന്നിവര്‍ നേതൃത്വം നല്‍കി.