ഓട്ടോ ഇടിച്ചു വയോധികന്‍ മരിച്ചു.
തിരൂർ: കൂട്ടായി വാടിക്കല്‍ ഹൈസ്‌ക്കൂളിന് സമീപത്ത് വെച്ച് ഓട്ടോ ഇടിച്ചു പരിക്കേറ്റ വയോധികന്‍ മരിച്ചു.വാടിക്കല്‍ ഔകുറ്റന്റെ പുരക്കല്‍ പരേതനായ മുഹമ്മദിന്റെ മകന്‍ അസൈനാര്‍ (70) അണ് മരണപ്പെട്ടത്. ബുധനാഴ്ച്ച രാത്രി ഒമ്പത് മണിയോടെയാണ് സംഭവം.നമസ്‌കാരം കഴിഞ്ഞു പള്ളിയില്‍ നിന്നും സുഹൃത്ത് തൊട്ടാപ്പില്‍ അബ്ദുറഹിമാന്റെ കൂടെറോഡ് സൈഡിലൂടെ നടന്നുവീട്ടിലേക്ക് വരുന്നതിനിടെ ഇരുവരേയും ഓട്ടോ ഇടിച്ചു തെറിപ്പിക്കുകയായിരുന്നു.
കോട്ടക്കല്‍ സ്വകാര്യ ആശുപത്രിയില്‍ പവേശിപ്പിച്ചുവെങ്കിലും ജീവന്‍ രക്ഷിക്കാനായില്ല.അബ്ദുറഹിമാന്‍ കോട്ടക്കലിലെ സ്വകാര്യ ആശുപത്രിയില്‍ ചികില്‍സയാലാണ്.ഭാര്യ സുബൈദ.മക്കള്‍ ശിഹാബ്,ശബീബ്,റാസിക്ക്,അന്‍സാര്‍,മരുമക്കള്‍ നൂര്‍ജഹാന്‍, സുഹൈമ,ഹൂസി,ഷഹര്‍ബാന്‍.