സംസ്ഥാന തല ഖുര്‍ ആന്‍ മനഃപാഠ മത്സരത്തിന്റെ ഗ്രാന്റ് ഫിനാലെ സമാപിച്ചു
മലപ്പുറം; മനുഷ്യനെ ഉന്നതിയിലേക്കെത്തിക്കാനുള്ള നേര്‍ വഴികാണിച്ചു തരുന്നതാണ് ഖുര്‍ ആന്‍ എന്ന് പാണക്കാട് സയ്യിദ് മുനവ്വറലി ശിഹാബ് തങ്ങള്‍ .പുതുപ്പറമ്പ് ഇല്ലിക്കല്‍ ഓഡിറ്റോരിയത്തില്‍ നടന്ന കുവൈറ്റ് റിയാദുസാലിഹിന്‍ ഫാമിലി ഗ്രൂപ്പ് സംഘടിപ്പിച്ച സംസ്ഥാന തല ഖുര്‍ ആന്‍ മനഃപാഠ മത്സരത്തിന്റെ ഗ്രാന്റ് ഫിനാലെ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
സംസ്ഥാനത്തിന്റെ വിവിധ ഭാഗങ്ങളില്‍ നിന്നായി തെരഞ്ഞെടുത്ത 39 പേര്‍ മത്സരത്തി്ല്‍ പങ്കെടുത്തു.
സെക്രട്ടറി സലേഹ് ബാത്ത അധ്യക്ഷത വഹിച്ചു.ദാറുല്‍ ഹുദ ഇസ്ലാമിക് യൂണിവേഴ്‌സിറ്റിവൈസ് ചാന്‍സലര്‍ ഡോ ബഹാവുദ്ദീന്‍ മുഹമ്മദ് നദ്‌വി മുഖ്യ പ്രഭാഷണം നടത്തി. വൈകുന്നേരം നടന്ന സമാപന സമ്മേളനം പാണക്കാട് സയ്യിദ് ഹമീദലി ശിഹാബ് തങ്ങള്‍ ഉദ്ഘാടനം ചെയ്തു.അഷറഫ് അയ്യൂര്‍ അധ്യക്ഷത വഹിച്ചു. ഡോ ബഹാവുദ്ദീന്‍ മുഹമ്മദ് നദ്‌വി,ഇസ്മായില്‍ ഹുദവി, സലേഹ് ബാത്ത അബ്ദു റഹീം എന്നിവര്‍ സംസാരിച്ചു.