ബൈക്കിൽ യാത്രചെയ്യുന്നതിനിടയിൽ യുവാവ് കുഴഞ്ഞ് വീണ് മരിച്ചു

മലപ്പുറം: ബൈക്കിൽ യാത്ര ചെയ്യുന്നതിനിടയിൽ യുവാവ് കുഴഞ്ഞ് വീണ് മരിച്ചു. മൈലാടി സ്വദേശി പഞ്ചലി മുജീബ് റഹ്മാനാണ് മരിച്ചത്. 42 വയസ്സായിരുന്നു. ടൈൽസ് വർക്ക് തൊഴിലാളിയായ മുജീബ് റഹ്മാൻ നെഞ്ച് വേദനയെ തുടർന്ന് ജോലി സ്ഥലത്ത് നിന്ന് വീട്ടിലേക്ക് വരുന്നതിനിടെ വെളിയംതോട് നിന്നും അകമ്പാടം റൂട്ടിലേക്ക് തിരിയുന്നതിനിടെ ബൈക്കിൽ നിന്ന് കുഴഞ്ഞ് വീഴുകയായിരുന്നു. ഇന്ന് വൈകിട്ട് 3 മണിയോടെയാണ് സംഭവം.

ഇയാൾക്ക് പിറകെ കാറിലെത്തിയ യുവാവ് മുജീബ് റഹ്മാൻ റോഡിൽ വീണ് കിടക്കുന്നത് കണ്ട് നാട്ടുകാരുടെ സഹായത്തോടെ നിലമ്പൂർ ജില്ലാ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം നിലമ്പൂർ ജില്ലാ ആശുപത്രി മോർച്ചറിയിലേക്ക് മാറ്റി.ഭാര്യ: ഫർസീന. മക്കൾ : ഫർഹ, ലന