വളാഞ്ചേരി റീജിയണൽ കോളേജ് വിദ്യാർത്ഥികൾ സഞ്ചരിച്ച ടൂറിസ്റ്റ് ബസ് മറിഞ്ഞ് അപകടം; നാൽപതോളം വിദ്യാർത്ഥികൾക്ക് പരുക്ക്

ഇടുക്കിയിൽ ടൂറിസ്റ്റ് ബസ് മറിഞ്ഞ് അപകടം. ഇടുക്കി അടിമാലി മുനിയറയിലാണ് വിദ്യാർത്ഥികൾ സഞ്ചരിച്ച ബസ് മറിഞ്ഞത്. നാൽപതോളം വിദ്യാർത്ഥികൾക്ക് പരുക്ക് സംഭവിച്ചിട്ടുണ്ടെന്നാണ് ലഭ്യമാകുന്ന വിവരം.

വിദ്യാർത്ഥികളെ അടിമാലി താലൂക്ക് ആശുപത്രിയിലേക്ക് മാറ്റിയിരിക്കുകയാണ്. ഇവരുടെ പരുക്ക് ​ഗുരുതരമാണോയെന്ന കാര്യത്തിൽ വ്യക്തത കൈവന്നിട്ടില്ല. വളാഞ്ചേരി റീജിയണൽ കോളേജിൽ നിന്ന് എത്തിയ വിദ്യാർത്ഥികളുടെ ബസാണ് അപകടത്തിൽപ്പെട്ട് മറിഞ്ഞത്.