കൊട്ടിക്കലാശം ഇന്ന്
മൂന്നാം ഘട്ട വോട്ടെടുപ്പ് നടക്കുന്ന ജില്ലകളില് പരസ്യ പ്രചാരണം ഇന്ന് വൈകീട്ട് 6 ന് അവസാനിക്കും.
മലപ്പുറം: തദ്ദേശ ഭരണ തെരഞ്ഞെടുപ്പിെന്റ മൂന്നാംഘട്ടത്തില് തിങ്കളാഴ്ച നാല് ജില്ലകളില് നടക്കുന്ന വോെട്ടടുപ്പിന് ആഴ്ചകളായി നടന്നുവന്ന വീറും വാശിയും നിറഞ്ഞ പ്രചാരണത്തിന് ശനിയാഴ്ച സമാപനം.
മലപ്പുറം, കോഴിക്കോട്, കണ്ണൂര്, കാസര്കോട് ജില്ലകളിലെ തദ്ദേശഭരണ സ്ഥാപനങ്ങളിലേക്കാണ് മൂന്നാംഘട്ടത്തില് വോെട്ടടുപ്പ്.
അവസാന ദിവസങ്ങളില് മുന്നിര നേതാക്കളെ രംഗത്തിറക്കി പ്രചാരണം സജീവമാക്കിയ മുന്നണികള്, അതേ ആവേശം വോട്ടര്മാരിലേക്കുമെത്തിച്ച് പോളിങ് ഉയര്ത്താനും പരമാവധി വോട്ടുറപ്പിക്കാനുള്ള ശ്രമത്തിലാണ്.
മുന്നാംഘട്ടം കഴിയുന്നതോടെ തദ്ദേശഭരണ തെരഞ്ഞെടുപ്പിലെ ഇത്തവണത്തെ പോളിങ് പൂര്ത്തിയാകും. ആദ്യ രണ്ട് ഘട്ടത്തിലുമുണ്ടായ മികച്ച പോളിങ് അവസാനഘട്ടത്തിലും ഉണ്ടാകുമെന്നാണ് പ്രതീക്ഷിക്കുന്നത്.