ബൈക്കിൽ ലോറിയിടിച്ചു യുവ അഭിഭാഷകൻ മരിച്ചു.

തേഞ്ഞിപ്പലം: കാക്കഞ്ചേരി കിൻഫ്രക്ക് സമീപം ബൈക്കിൽ ലോറി ഇടിച്ചു യുവ അഭിഭാഷകൻ മരിച്ചു. വഴിക്കടവ് പഞ്ചായത്ത് യൂത്ത് ലീഗ് പ്രസിഡന്റ് മരുത സ്വദേശി അഡ്വ.ഇർഷാദ് കാരാടൻ ആണ് മരിച്ചത്.

ചൊവ്വാഴ്ച പുലർച്ചെ 12.45 ഓടെയാണ് സംഭവം. കാക്കഞ്ചേരിക്കും ചെട്ടിയാർമാടിനും ഇടയിൽ പെട്രോൾ പമ്പിന് സമീപത്താണ് അപകടം. ഇർഷാദിന്റെ ബൈക്കിൽ വാഹനം ഇടിച്ചു നിർത്താതെ പോകുകയായിരുന്നു. പരിക്കേറ്റ് കിടന്ന ഇര്ഷാദിനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.