ദുബായിൽ നിന്ന് നാല് കോടിയുടെ ഉറൂസ് നാട്ടിലെത്തിച്ച് പ്രവാസി

പെരിന്തൽമണ്ണ: ദുബായിൽ നിന്ന് 4 കോടിയുടെ ലോംബോർഗിനി ഉറൂസ് നാട്ടിലെത്തിച്ച് പ്രവാസി വ്യവസായി. മങ്കട സ്വദേശിയും ദുബായിൽ വ്യവസായിയുമായ പി.ടി ഇർഷാദ് ആണ് ലോകത്തിൽ തന്നെ ഏറ്റവും വേഗതയേറിയ കാറുകളിൽ ഒന്നായ ലോംബോർഗിനി ഉറൂസ് ദുബായിൽ നിന്നും കപ്പൽ മാർഗ്ഗം നാട്ടിലെത്തിച്ചത്. ദുബായ് രജിസ്ട്രേഷനുള്ള ഈ വാഹനത്തിന് 4 കോടി ഇന്ത്യൻ രൂപ ചെലവ് വരുന്നുണ്ട്.1.70 ലക്ഷം ദിർഹം ഡെപ്പോസിറ്റ് ചെയ്താണ് കാർ നാട്ടിലെത്തിച്ചത്.

ആറ് മാസത്തേക്കാണ് കാർ ഇന്ത്യയിൽ ഓടിക്കാനുള്ള അനുമതിയുള്ളത്. 3.6 സെക്കന്റ് കൊണ്ട് 100 കി.മി വേഗതയിൽ ഓടിക്കാനാവുന്ന ഈ കാർ ക്യാപ്സൂൾ ടൈപ്പ് കളറിലുള്ളതാണ്.
സാധാരണ ലോംബോർഗിനി കേരളത്തിൽ ഓടിക്കാൻ പ്രയാസമാണ്, എന്നാൽ എക്സ് യു വി ഇനത്തിൽ പെട്ടതായതിനാൽ നാട്ടിലെ റോഡുകളിലൂടെ ഓടിക്കാൻ സാധിക്കുമെന്നും ഇർഷാദ് പറയുന്നു.