27 കിമി മൈലേജുള്ള ഹോണ്ട സിറ്റി ഹൈബ്രിഡിന്റെ വില കുറഞ്ഞു, കുറയുന്നത് ഒരുലക്ഷം രൂപയ്ക്ക് അടുത്ത്
ജാപ്പനീസ് വാഹന ബ്രാന്ഡായ ഹോണ്ട കാര്സ് ഇന്ത്യ ഇന്ത്യന് വിപണിയിലെ ജനപ്രിയ സെഡാനായ സിറ്റി ഹൈബ്രിഡിന്റെ വില ഏകദേശം ഒരു ലക്ഷം രൂപ കുറച്ചു. സിറ്റി e:HEV 19.90 ലക്ഷം രൂപ എക്സ്-ഷോറൂം വിലയുള്ള ഒരൊറ്റ ടോപ്പ്-സ്പെക്ക് ZX ട്രിമ്മില് ലഭ്യമാണ്. ഹോണ്ട സിറ്റി മാത്രമാണ് ഈ വിഭാഗത്തില് ഹൈബ്രിഡ് പവര്ട്രെയിന് ഓപ്ഷന് വാഗ്ദാനം ചെയ്യുന്ന ഏക മോഡല്.
ഹോണ്ട സിറ്റി e:HEV ഇപ്പോള് 19,89,990 രൂപ എക്സ്-ഷോറൂം വിലയില് ലഭ്യമാണ്. ഇത് മോഡലിന്റെ മുന് വിലയുമായി താരതമ്യപ്പെടുത്തുമ്പോള് 95,010 രൂപ കുറവാണ്. ഇത് കാറിനെ കൂടുതല് താങ്ങാനാവുന്ന മോഡലാക്കി മാറ്റുന്നു. അതായത്, 20,85,000 രൂപ ആയിരുന്നു നേരത്തെയുള്ള എക്സ്-ഷോറൂം വില. ഈ വിലയില് നിന്നും 4.56 ശതമാനമാണ് കുറഞ്ഞത്. വേരിയന്റ് നിരയിലെ മാറ്റങ്ങള്ക്ക് മുമ്പ്, കാറിന്റെ ഏറ്റവും താങ്ങാനാവുന്ന പതിപ്പ് 19,00,100 രൂപ എക്സ്-ഷോറൂം വിലയില് ലഭ്യമായിരുന്നു.
സെഗ്മെന്റില് ഹൈബ്രിഡ് പവര്ട്രെയിന് ഉള്ള ഒരേയൊരു സെഡാനാണ് ഹോണ്ട സിറ്റി e:HEV. ഇന്ത്യന് വിപണിയില് ഫോക്സ്വാഗണ് വിര്ട്ടസ്, സ്കോഡ സ്ലാവിയ, ഹ്യുണ്ടായി വെര്ണ തുടങ്ങിയ മോഡലുകളുമായി ഇത് മത്സരിക്കുന്നു. എന്നിരുന്നാലും, മറ്റ് ബോഡി സ്റ്റൈലുകള് പരിഗണിക്കുകയാണെങ്കില്, ഒരേ ബജറ്റിനുള്ളില് മാരുതി സുസുക്കി ഗ്രാന്ഡ് വിറ്റാര, ടൊയോട്ട അര്ബന് ക്രൂയിസര് ഹൈറൈഡര് പോലുള്ള ഓപ്ഷനുകള്
രണ്ട് ഇലക്ട്രിക് മോട്ടോറുകളുമായി ജോടിയാക്കിയ 1.5 ലിറ്റര് നാച്ചുറലി ആസ്പിറേറ്റഡ് പെട്രോള് എഞ്ചിനാണ് സിറ്റി ഹൈബ്രിഡിന് കരുത്ത് പകരുന്നത്. ഈ സജ്ജീകരണം 124.27 എച്ച്പി കരുത്തും 253 എന്എം ടോര്ക്കും ഉത്പാദിപ്പിക്കുന്നു, ഇന്ധനക്ഷമത വര്ദ്ധിപ്പിക്കുകയും എമിഷന് കുറയ്ക്കുകയും ചെയ്യുന്ന ഇ-സിവിടി ട്രാന്സ്മിഷനുമായി സംയോജിപ്പിച്ചിരിക്കുന്നു. ഈ കാറിന് ഹോണ്ട 27.26 കിലോമീറ്റര് മൈലേജ് അവകാശപ്പെടുന്നു.
അഡാപ്റ്റീവ് ക്രൂയിസ് കണ്ട്രോള്, ലെയ്ന്-കീപ്പിംഗ് അസിസ്റ്റ്, ഓട്ടോ ഹൈ ബീം, കൊളീഷന് മിറ്റിഗേഷന് ബ്രേക്കിംഗ് തുടങ്ങിയ നൂതന ഡ്രൈവര്-അസിസ്റ്റന്സ് സിസ്റ്റങ്ങള് ഉള്ക്കൊള്ളുന്ന ഹോണ്ട സെന്സിംഗ് സാങ്കേതികവിദ്യ ഉള്പ്പെടെ ഒന്നിലധികം സവിശേഷതകള് സിറ്റി e:HEV-യില് സജ്ജീകരിച്ചിരിക്കുന്നു. കൂടാതെ, സെഡാന് വിശാലമായ ഇന്റീരിയര്, 7 ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ് സിസ്റ്റം, സമഗ്രമായ കംഫര്ട്ട് പാക്കേജ് തുടങ്ങിയവയും വാഗ്ദാനം ചെയ്യുന്നു.