ഐഫോണ്‍ എയര്‍ അല്ലെങ്കില്‍ ഐഫോണ്‍ 17 പ്രോ മാക്‌സ്? ഏത് വാങ്ങുന്നതാണ് ലാഭകരം, ഗുണകരം?
ആപ്പിളിന്‍റെ ഐഫോൺ 17 ലൈനപ്പ് സ്‌മാർട്ട്‌ഫോൺ ഡിസൈനിലടക്കം വലിയ മാറ്റങ്ങള്‍ കൊണ്ടുവരുന്നു. ആപ്പിൾ ഇതുവരെ നിർമ്മിച്ചതിൽ വച്ച് ഏറ്റവും കനം കുറഞ്ഞ സ്‌മാർട്ട്‌ഫോണുകളിൽ ഒന്നായ ഐഫോൺ എയർ ആണ് ഒരു വലിയ മാറ്റം. അതേസമയം, അത്യാധുനിക ക്യാമറ സംവിധാനവും പുതിയ വേപ്പർ ചേമ്പർ കൂളിംഗ് സിസ്റ്റവും ഉപയോഗിച്ച് ഐഫോൺ 17 പ്രോ മാക്‌സ് വമ്പന്‍ അപ്‌ഗ്രേഡ് കൈവരിച്ചു. ഈ രണ്ട് ഐഫോണുകളും മികച്ചതാണെങ്കിലും, പക്ഷേ അവ വ്യത്യസ്‍ത ഉപഭോക്താക്കളെ ആകർഷിക്കുന്നവയാണ്. ഇനി നിങ്ങളുടെ പുതിയ ദൈനംദിന ഉപയോഗത്തിനായി ഏതാണ് വാങ്ങേണ്ടത്? ഐഫോൺ എയർ ഐഫോൺ 17 പ്രോ മാക്‌സുമായി താരതമ്യം ചെയ്യാം.
നിങ്ങൾ ഐഫോൺ എയർ വാങ്ങണമെങ്കിൽ താഴെപ്പറയുന്ന കാര്യങ്ങൾ നിങ്ങൾക്ക് അനുയോജ്യമാണോ എന്ന് പരിശോധിക്കുക
1. നിങ്ങൾക്ക് വളരെ നേർത്തതും എന്നാൽ കരുത്തുള്ളതുമായ ഒരു ഫോൺ വേണമെങ്കിൽ ഐഫോണ്‍ എയര്‍ മികച്ച ഓപ്ഷനാണ്.
വെറും 5.6 മില്ലീമീറ്റർ കനമുള്ള ഐഫോൺ എയർ, ഐഫോൺ 16 പ്രോയേക്കാൾ വളരെ സ്ലിമ്മാണ്. കാഴ്‌ചയില്‍ ഈ ഡിസൈന്‍ ദുർബലമായി തോന്നുമെങ്കിലും അത് മോടിയുള്ളതും മനോഹരവുമാണ്. സ്‌മാർട്ട്‌ഫോണിന്‍റെ ഫ്രെയിം ഗ്രേഡ് 5 ടൈറ്റാനിയം കൊണ്ടാണ് നിർമ്മിച്ചിരിക്കുന്നത്. ഉയർന്ന കരുത്തിനും പ്രതിരോധത്തിനും പേരുകേട്ട ഒരു മെറ്റീരിയൽ ആണിത്. ഐഫോൺ എയറിന്‍റെ പിൻഭാഗത്ത് സെറാമിക് ഷീൽഡ് സംരക്ഷണമുണ്ട്. ഇത് കേടുപാടുകളിൽ മികച്ച പ്രതിരോധം നൽകുന്നു. മുൻവശത്ത്, ആപ്പിൾ സെറാമിക് ഷീൽഡ് 2 ഉപയോഗിച്ച് സ്‌ക്രീൻ സജ്ജീകരിച്ചിരിക്കുന്നു. ഈ മെറ്റീരിയൽ കാരണം ഡിസ്‌പ്ലേയ്ക്ക് മുൻ മോഡലുകളെ അപേക്ഷിച്ച് മൂന്ന് മടങ്ങ് മികച്ച സ്‌ക്രാച്ച് പ്രതിരോധം ഉണ്ടെന്നും മെച്ചപ്പെട്ട ആന്‍റി-റിഫ്ലെക്ഷൻ ഗുണങ്ങളുണ്ടെന്നും ആപ്പിൾ പറയുന്നു.
2. നിങ്ങൾക്ക് എല്ലാ ഫീച്ചറുകളും ആവശ്യമില്ലെങ്കിൽ
ഇതൊരു വിചിത്രമായ അഭിപ്രായമായിരിക്കാം. പക്ഷേ അതൊരു യാതാർഥ്യമാണ്. ഉദാഹരണത്തിന്, ഐഫോൺ എയറിന് ഒരു 48MP ഫ്യൂഷൻ ലെൻസ് മാത്രമേ റിയര്‍ ക്യാമറ സിസ്റ്റത്തിൽ ലഭിക്കുന്നുള്ളൂ. എന്നാൽ 28 എംഎം, 35 എംഎം ഫോക്കൽ ലെങ്ത് എന്നിവയിൽ ഫോട്ടോഗ്രാഫുകൾ എടുക്കാൻ കഴിയുന്ന നാല് ലെൻസുകൾക്ക് തുല്യമാണിതെന്ന് ആപ്പിൾ അവകാശപ്പെടുന്നു. ക്യാമറ സെറ്റിംഗ്‍സുകളിൽ നിങ്ങൾ മാറ്റം വരുത്തുകയോ ക്യാമറകൾ എന്താണ് ചെയ്യുന്നതെന്ന് പഠിക്കുകയോ ചെയ്യേണ്ടതില്ല എന്നും ഇതെല്ലാം ഇതിൽ സംഗ്രഹിച്ചിരിക്കുന്നുവെന്നും ആപ്പിൾ പറയുന്നു. ഐഫോൺ എയർ പൂർണ്ണമായും ഇ-സിം സാങ്കേതികവിദ്യയെയാണ് ആശ്രയിക്കുന്നത്. ഇ-സിം ഡിസൈൻ സ്വീകരിച്ചത് കാരണം കമ്പനിക്ക് സ്ഥലം ലാഭിക്കാൻ സാധിച്ചെന്നും ഐഫോൺ എയറിന് നേർത്ത ഫോം ഫാക്‌ടർ നേടാൻ സഹായിച്ചുവെന്നും ആപ്പിൾ പറയുന്നു.
ഇനി നിങ്ങൾക്ക് ഐഫോൺ 17 പ്രോ മാക്‌സ് വാങ്ങണമെങ്കിൽ താഴെപ്പറയുന്ന കാര്യങ്ങൾ നിങ്ങൾക്ക് അനുയോജ്യമാണോ എന്ന് പരിശോധിക്കുക
1. നിങ്ങൾക്ക് ഏറ്റവും ശക്തമായ ഐഫോൺ വേണമെങ്കിൽ
ഐഫോൺ 17 പ്രോ മാക്‌സിനും ഐഫോൺ എയറിനും നിരവധി സമാനതകൾ ഉണ്ട്. രണ്ട് ഡിവൈസുകളും A19 പ്രോ പ്രോസസർ, N1 നെറ്റ്‌വർക്കിംഗ് ചിപ്പ്, C1X മോഡം എന്നിവ ഉൾപ്പെടുന്ന മൂന്ന് ചിപ്പ് സജ്ജീകരണത്തിലാണ് പ്രവർത്തിക്കുന്നത്. ഈ ത്രയങ്ങൾ ഒരുമിച്ച് സ്‌മാർട്ട്‌ഫോണുകൾക്ക് ശക്തമായ പ്രകടനം നൽകാനും വൈ-ഫൈ 7, ബ്ലൂടൂത്ത് 6 എന്നിവയെ പിന്തുണയ്ക്കാനും വേഗതയേറിയതും കൂടുതൽ ഊർജ്ജക്ഷമതയുള്ളതുമായ സെല്ലുലാർ കണക്ഷനുകൾ വാഗ്‌ദാനം ചെയ്യാനും അനുവദിക്കുന്നു.
വലുപ്പവും കരുത്തുമാണ് ഐഫോണ്‍ 17 പ്രോ മാക്‌സിനെ വ്യത്യസ്‌തമാക്കുന്നത്. ഇതിന്‍റെ വലിയ 6.9 ഇഞ്ച് സൂപ്പർ റെറ്റിന XDR ഡിസ്പ്ലേ 3000 നിറ്റ്സ് തെളിച്ചം നൽകുന്നു, ഇത് നേരിട്ടുള്ള സൂര്യപ്രകാശത്തിലും ദൃശ്യപരത ഉറപ്പാക്കുന്നു. സുഗമമായ ദൃശ്യങ്ങൾക്കായി 120Hz റിഫ്രഷ് റേറ്റിൽ പ്രവർത്തിക്കാൻ പ്രോമോഷനുള്ള പിന്തുണ അനുവദിക്കുന്നു. ഗ്ലാസ് സെറാമിക് ഷീൽഡ് 2 കൊണ്ട് പോലും സംരക്ഷിക്കപ്പെട്ടിരിക്കുന്നു. 39 മണിക്കൂർ വരെ വീഡിയോ പ്ലേബാക്ക് നീണ്ടുനിൽക്കാൻ കഴിവുള്ള ബാറ്ററിയുമായി ജോടിയാക്കിയ ഇത്, ഏറ്റവും മികച്ചതിൽ നിന്ന് മികച്ചത് ആഗ്രഹിക്കുന്ന ഉപയോക്താക്കൾക്കായി നിർമ്മിച്ച ഐഫോണാണ്.
2. നിങ്ങൾക്ക് ഏറ്റവും മികച്ച ക്യാമറ സിസ്റ്റം വേണമെങ്കിൽ
രണ്ട് ഫോണുകളും തമ്മിലുള്ള സമാനതകൾ ചിപ്‌സെറ്റിലോ ഡിസ്‌പ്ലേകളിലോ മാത്രം ഒതുങ്ങുന്നില്ല. ഇവയിൽ സമാനമായ ക്യാമറ സംവിധാനങ്ങളുമുണ്ട്. ഉദാഹരണത്തിന്, രണ്ട് മോഡലുകളിലും പുതിയ 18MP സെന്‍റർ സ്റ്റേജ് സെൽഫി ലെൻസുണ്ട്. ഇത് ഉയർന്ന നിലവാരമുള്ള ചിത്രങ്ങൾ നൽകുക മാത്രമല്ല, ഫോൺ തിരിക്കാതെ തന്നെ പോർട്രെയ്‌റ്റിലും ലാൻഡ്‌സ്‌കേപ്പ് ഓറിയന്‍റേഷനിലും ഫോട്ടോകൾ പകർത്താൻ ഉടമകളെ അനുവദിക്കുന്ന ഒരു പുതിയ തരം സെൻസറും ഇത് ഉപയോഗിക്കുന്നു.
അതേസമയം, പ്രൊഫഷണൽ-ഗ്രേഡ് വീഡിയോ നൽകുന്നതിലൂടെ ഐഫോൺ 17 പ്രോ മാക്‌സ് കൂടുതൽ വ്യത്യസ്‌തമാകുന്നു. ഉയർന്ന നിലവാരമുള്ള ഫൂട്ടേജുകൾക്കായി ഡാറ്റ മികച്ച രീതിയിൽ സംരക്ഷിക്കുന്ന വീഡിയോ കോഡെക്കായ ProRes RAW, വിശാലമായ വർണ്ണ ഗാമറ്റുകൾക്കുള്ള ലോഗ് 2 ഫോർമാറ്റ്, ജെൻലോക്ക് എന്നിവയെ ഫ്ലാഗ്ഷിപ്പ് മോഡൽ ഇപ്പോൾ പിന്തുണയ്ക്കുന്നു. ഒന്നിലധികം ക്യാമറകളിലുടനീളം വീഡിയോ സമന്വയിപ്പിക്കുന്ന സോഫ്റ്റ്‌വെയറാണ് ജെൻലോക്ക് ഐഫോൺ 17 പ്രോ മാക്‌സിൽ ഉണ്ട്. ഇത് കണ്ടന്‍റ് ക്രിയേറ്റേഴ്‌സിന് ഐഫോൺ 17 പ്രോ മാക്‌സിനെ ഒരു മികച്ച ഫിലിം മേക്കിംഗ് ക്യാമറയായി ഉപയോഗിക്കാൻ അനുവദിക്കുന്നു.