അബൂദബി: വിതരണം ചെയ്ത യൂണിഫോമിന്റെ പണം കൃത്യമായി നല്കുന്നതില് വീഴ്ച വരുത്തിയതിനെ തുടർന്ന് അബൂദബിയിലെ ഒരു സ്വകാര്യ സ്കൂളിനോട് യൂണിഫോം വിതരണക്കാരന് 43,863 ദിർഹം നല്കാൻ ഉത്തരവിട്ട് കോടതി.അബൂദബി കൊമേഴ്സ്യല് കോടതിയാണ് വിധി പുറപ്പെടുവിച്ചത്.
“ദൈവം ഫലസ്തീനെ സംരക്ഷിക്കട്ടെ”; അറബ് ജീനിയസ് അവാർഡ് നേടിയ ഫലസ്തീനിയൻ ആർക്കിടെക്റ്റിനെ അഭിനന്ദിച്ച് ഷെയ്ഖ് മുഹമ്മദ് ബിൻ റാഷിദ്
കുടിശ്ശിക തുക, ക്ലെയിം തീയതി മുതല് പൂർണ്ണമായി തീർപ്പാക്കുന്നത് വരെയുള്ള പലിശ, ഭൗതികവും ധാർമ്മികവുമായ നഷ്ടപരിഹാരം എന്നിവ ആവശ്യപ്പെട്ടാണ് വിതരണക്കാരൻ കോടതിയെ സമീപിച്ചത്. കരാർ പ്രകാരം യൂണിഫോം നല്കിയിട്ടുണ്ട് എന്ന് തെളിയിക്കുന്ന ക്വട്ടേഷനുകളും ഇൻവോയ്സുകളും വിതരണ കമ്ബനി കോടതിയില് സമർപ്പിച്ചിരുന്നു.
വിതരണക്കാരൻ നല്കിയ അക്കൗണ്ട് സ്റ്റേറ്റ്മെന്റ്, സ്കൂള് തുക നല്കാൻ ബാധ്യസ്ഥരാണെന്ന് തെളിയിക്കുന്ന വാണിജ്യ രേഖയാണ് എന്ന് കോടതി നിരീക്ഷിച്ചു. സ്കൂള് അധികൃതർക്ക് അറിയിപ്പ് നല്കിയിട്ടും പ്രതിഭാഗം കോടതിയില് ഹാജരായിരുന്നില്ല.
വിധി പ്രകാരം, യൂണിഫോം വിതരണക്കാരന് നല്കേണ്ടുന്ന തുകയായ 43,863 ദിർഹം സ്കൂള് അടയ്ക്കണം. കൂടാതെ, കടം വ്യക്തമായതിനാല്, വൈകിയ പേയ്മെന്റിന് ക്ലെയിം തീയതി മുതല് പ്രതിവർഷം മൂന്ന് ശതമാനം പലിശ നല്കാനും കോടതി ഉത്തരവിട്ടു. എന്നിരുന്നാലും, വഞ്ചനയോ കടുത്ത അശ്രദ്ധയോ മൂലമുണ്ടാകുന്ന പലിശയ്ക്ക് പുറമെയുള്ള നാശനഷ്ടങ്ങള്ക്ക് തെളിവ് ആവശ്യമാണെന്ന് വിശദീകരിച്ചുകൊണ്ട് അധിക നഷ്ടപരിഹാരം നല്കണമെന്ന വിതരണക്കാരന്റെ ആവശ്യം കോടതി നിരാകരിച്ചു. മുതലിനും പലിശയ്ക്കും പുറമെ, നിയമപരമായ ചെലവുകളും അഭിഭാഷക ഫീസും സ്കൂള് വഹിക്കണമെന്നും കോടതി ഉത്തരവില് വ്യക്തമാക്കി.