പുത്തൂർ ബൈപാസിൽ അപകടഭീഷണി ഉയർത്തിയ കൂറ്റൻ മരം മുറിച്ചുമാറ്റി

കോട്ടക്കൽ: പുത്തൂർ ബൈപാസിൽ അപകടഭീഷണി ഉയർത്തിയ ഉണങ്ങിയ കൂറ്റൻ മരം മുറിച്ചുമാറ്റി. കാലവർഷം ശക്തി പ്രാപിച്ച സാഹചര്യത്തിൽ നഗരസഭാ ഇടപെടലിനെ തുടർന്നായിരുന്നു ദ്രുത ഗതിയിൽ മരം മുറിച്ചു മാറ്റിയത്.

യാത്രക്കാർക്കും സമീപവാസികൾക്കും ഭീഷണിയായിരുന്ന മരം ശ്രദ്ധയിൽപ്പെട്ടതിനെ തുടർന്ന്, നഗരസഭ ചെയർമാൻ കെ.കെ നാസർ അടിയന്തര നടപടിക്ക് നിർദേശം നൽകുകയായിരുന്നു. പൊതുജന സുരക്ഷയ്ക്ക് മുൻഗണന നൽുന്നതിൻ്റെ ഭാഗമാണ് നഗരസഭാ നടപടി.