കെഎസ്യു പ്രവര്ത്തകര് ആക്രമിച്ചെന്ന കേസ്; വീണാ ജോര്ജിന്റെയും ഗണ്മാന്റെയും മൊഴി രേഖപ്പെടുത്താന് എസ്ഐടി
കണ്ണൂര്: മുന് ആരോഗ്യ മന്ത്രി വീണ ജോര്ജിനെ കെഎസ്യു പ്രവര്ത്തകര് ആക്രമിച്ചെന്ന കേസിലെ തുടരന്വേഷണം തുടങ്ങി എസ്ഐടി. ആദ്യമായി പരാതിക്കാരായ വീണാ ജോര്ജിന്റെയും ഗണ്മാന്റെയും മൊഴി രേഖപെടുത്തും. സംഭവം നടന്ന കണ്ണൂര് റെയില്വേ സ്റ്റേഷനിലെ സിസിടിവി ദൃശ്യങ്ങളും പരിശോധിക്കും.
കെഎസ്യു പ്രവര്ത്തകര്ക്കെതിരെ ചുമത്തിയ വകുപ്പുകള് നിലനില്ക്കുമോയെന്നും എസ് ഐ ടി പരിശോധിക്കും. കെഎപി നാലാം ബറ്റാലിയന് കമാന്റന്റ് യു പ്രേമന്റെ നേതൃത്വത്തിലാണ് തുടരന്വേഷണം നടത്തുന്നത്.
ഫെബ്രുവരി 25 ആയിരുന്നു കണ്ണൂര് റെയില്വേ സ്റ്റേഷനില് വീണ ജോര്ജിനെതിരെ കരിങ്കൊടി പ്രതിഷേധം നടന്നത്. സംഭവത്തില് അഞ്ച് കെഎസ്യു പ്രവര്ത്തകര് അറസ്റ്റിലായിരുന്നു. മന്ത്രിക്ക് പരുക്കേറ്റതിനെ തുടര്ന്ന് കെഎസ്യു പ്രവര്ത്തകര്ക്കെതിരെ വധശ്രമം അടക്കമുള്ള വകുപ്പുകള് ചുമത്തി കേസെടുക്കുകയായിരുന്നു. ആയുധം ഉപയോഗിച്ച് കഴുത്തിന് പരിക്കേല്പ്പിച്ചെന്നായിരുന്നു മുന് മന്ത്രിയുടെ ഗണ്മാന്റെ പരാതി. എന്നാല് കരിങ്കൊടി പ്രതിഷേധത്തിനിടെ ഉന്തുംതള്ളും മാത്രമാണ് ഉണ്ടായതെന്ന് വീണാ ജോര്ജിന്റെ മൊഴി നല്കുകയായിരുന്നു.
