ഓരോ വീട്ടിലും ഒഴിച്ച് കൂടാനാവാത്ത ഒന്നാണ് പഴം. വിശക്കുമ്പോള് കഴിക്കാനും ജ്യൂസ് അടിക്കാനും കേക്ക് ഉണ്ടാക്കാനുമൊക്കെ പഴം ഉപയോഗിക്കാറുണ്ട്. എന്നാല് വാങ്ങി രണ്ട് ദിവസം കഴിയുമ്പോഴേക്കും പഴം പെട്ടെന്ന് പഴുക്കുന്നു. പിന്നീട് ഇത് സൂക്ഷിക്കാന് സാധിക്കുകയില്ല. പഴം കേടുവരാതെ സൂക്ഷിക്കാന് ഇങ്ങനെ ചെയ്താല് മതി.
* പഴം എപ്പോഴും പ്രത്യേകം സൂക്ഷിക്കാന് ശ്രദ്ധിക്കണം. മറ്റ് പച്ചക്കറികള്ക്കും പഴങ്ങള്ക്കും ഒപ്പം സൂക്ഷിക്കുന്നത് ഒഴിവാക്കാം. മറ്റ് പഴങ്ങളില് നിന്നും എത്തിലീന് വാതകം പുറന്തള്ളുന്നു. ഇത് പഴം പെട്ടെന്ന് പഴുക്കാന് കാരണമാകുന്നു. അതിനാല് പഴം പ്രത്യേകം സൂക്ഷിക്കുന്നതാണ് നല്ലത്.
* നല്ല വായു സഞ്ചാരമുണ്ടെങ്കില് പഴം പെട്ടെന്ന് പഴുക്കുകയില്ല. അതേസമയം സൂക്ഷിക്കുന്ന പാത്രത്തിലോ സ്ഥലത്തോ വായു സഞ്ചാരം ഇല്ലെങ്കില് പഴം പഴുത്തുപോകുന്നു. പിന്നീട് ഇത് ഉപയോഗിക്കാനും സാധിക്കാതെ വരും.
* തണ്ടുകള് പൊതിഞ്ഞ് സൂക്ഷിച്ചാല് പഴം കേടാകുന്നതിനെ തടയാം. പ്ലാസ്റ്റിക് കവറിലോ ഫോയിലോ ഉപയോഗിച്ച് തണ്ട് പൊതിഞ്ഞ് വെയ്ക്കാം. ഇത് എത്തിലീന് വാതകം പുറന്തള്ളുന്നതിനെ തടയുന്നു.
* തണുപ്പുള്ള എന്നാല് അധികം വെളിച്ചമടിക്കാത്ത സ്ഥലത്താവണം പഴം സൂക്ഷിക്കേണ്ടത്. നേരിട്ട് സൂര്യപ്രകാശം അടിക്കുന്ന സ്ഥലത്ത് പഴം ഒരിക്കലും സൂക്ഷിക്കരുത്. ഇത് പഴം പെട്ടെന്ന് പഴുക്കാന് കാരണമാകുന്നു.
* സവാള, ആപ്പിള്, അവക്കാഡോ എന്നിവയ്ക്കൊപ്പം പഴം സൂക്ഷിക്കരുത്. ഇതും പഴം പെട്ടെന്ന് പഴുത്തുപോകാന് കാരണമാകുന്നു.